Johan sodor 8:7 - Santali Common Language New Testament

⁷ Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko lo roṅgoyena.

সান্তালী বাইবেল

⁷ Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko do lo roṅgoyena.

Johan sodor 8:7 Referans Kwoze

Johan sodor 9:4

Arko menocoyena dhạrti reakʼ ghãs se hạriạṛ jãhãnakʼ se jãhãn dareko alo jemonko nosṭoe; eken okoe hoṛkoakʼ moloṅre Isorakʼ mohor chap bạnukʼtako onkoko hạnko.

Johan sodor 9:18

Seṅgel, dhũạ ar gondhok, noa pea dukte manwa do pe hạṭiń reakʼ mitʼ hạṭińko gocʼ ocoyena.

Johan sodor 9:15

Unre onko ponea goḍet doko raṛa ocoyena. Niạ bochor reakʼ niạ cando, niạ din ar niạ ghonṭa lạgitʼ onko goḍet doko sapṛao doho ocoakan tahẽkana jemon onko do pe hạṭiń reakʼ mitʼ hạṭiń manwako gocʼko.

Johan sodor 16:21

Serma khon lạṭu lạtu dhiri lekan arel manwako cetanre ńurokʼ ehopʼena. Ona mitʼke mitʼ reakʼ hamal do mitʼ mongan tahẽkana. Noa arel reakʼ sạjạite hoṛko do Isorko henostawadea, ente ona arel reakʼ sạjại do ạḍi botorge tahẽkana.

Johan sodor 16:2

Unre pạhilicʼ serma goḍet do senkate acʼakʼ bạṭi dhạrtireye dulkeda. Onate okoere uni janwarakʼ cinhạ tahẽkan ar okoe do uniakʼ muṭhạnko sewawakʼkan tahẽkan onkoakʼ hoṛmore ạḍi bạṛicʼ ar dạrun ghao ńamketʼkoa.

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemom gidrại janam lekhangeye utʼgotʼkae.

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, maha mạrite, ar dhạrtiren bir janwarko hotete hoṛkokin gocʼko.

1 Patras 1:24

Sonot sostorre ol menakʼa, sanam manwa do ghãs leka kanako, ar ghãs reakʼ baha lekage onkoakʼ sanam ṭhonoktetʼ hõ; ghãs do rohoṛokʼa, ar baha hõ ńurokʼa,

Jakob 1:11

Siń cando jharla jhạrli setoṅanteye rakapʼlenre ghãsko do rohoṛokʼa ar ona reakʼ sajaotetʼ do nosṭo cabakʼa. Onkage kisạ̃ṛ hoṛ hõ acʼakʼ jion reakʼ horkoreye tolmocʼ cabakʼa.

Johan sodor 7:1

Niạ tayom iń do ponea serma goḍetko dhạrti reakʼ ponon konḍre teṅgo akaniń ńelketʼkoa. Onko do dhạrti ponon kona reakʼ hoeko esetʼ dohoakatʼ tahẽkana, jemon dhạrtire, jalapurire se jãhãn dare cetanre hoe hõ aloe hoe.