Johan sodor 22:17 - Santali Common Language New Testament

¹⁷ Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

সান্তালী বাইবেল

¹⁷ Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Johan sodor 22:17 Referans Kwoze

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniakʼ ontorre jaejug jion lạgitʼ bhumbukokʼkan jharna leka hoyokʼa.”

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼ. Okoe tetaṅedekan uni do jiwetʼ dakʼ reakʼ jharna khon begor damteń ńu ocoyea.

Johan 7:37

Ado porob reakʼ mucạtʼ din do mitʼṭen asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Johan sodor 22:1

Ona tayom uni serma goḍet do jion dakʼ reakʼ gaḍae udukʼ ạdińạ. Ona do dhiri hisir leka rilạ mala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana. Ona gaḍa reakʼ dene banar aṛere jion dare tahẽkana. Onare do gelbar lekan jo jokʼa. Ar jao candoge onare do jokʼa ar ona reakʼ sakamte sanam jạtren hoṛko bogekʼ kana. Sarap do ar baṅ tahena.

Johan sodor 21:9

Ar okoe eae goṭecʼ serma goḍetkoakʼ tire mucạtʼ eae goṭecʼ dukte perecʼ bạṭi tahẽkan onko modren mitʼ hoṛ do iń ṭhen hecʼkateye menkeda, “Dela hijukʼme, bạhu kuṛiń udukʼama, metakʼme Bheḍa Hoponren bạhuń udukʼama.”

Johan sodor 21:2

Ar ona sonot nagraha, metakʼme nawa Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajaoakan, onkage noa nagraha hõ sajao ocoakan tahẽkana.

Romiko lạgitʼ Pạul Apostolakʼ ciṭhi 3:24

Menkhan Jisu Mạsi do manwa kại khon chaḍaoko reakʼe bondobos akada ar ona chaḍao hotete pạtiạukʼko do daya dan lekate dhorom menteye ataṅetʼkoa.

Johan sodor 22:16

“Iń Jisuge ińren goḍet iń kolakadea, jemon uni do ape ṭhen manḍerko lạgitʼ noako reaṅ gohae em daṛeakʼ. Ińge Dạud reakʼ rehetʼ ar bõs, ar ḍag ḍagaokʼkan bhurkạ ipil do.”

Johan sodor 2:7

‘‘Ańjom lạgitʼ lutur menakʼtayicʼ doe ańjomma, sonot Jiu manḍerrenko cetʼe metako kana mente! Jitạukʼicʼ do Isorakʼ Parades reakʼ jion dare reakʼ joń jom ocoyea.

1 Korinthiko 2:12

Abo do dhạrtiren Jiu babon ńamakadea, bickom Isor khonakʼ uniren Jiuge bon ńamakadea, jemon Isor okae danakatʼ ona bon bujhạu daṛeakʼa;

Johan 4:29

“Dela hijukʼte mitʼṭen hoṛ ńelepe. Uni do ińiń ceka akatʼ jotowakʼe lại ạdińa. Baṅ do nuigeye Mạsikan?”

Johan 4:11

Maejiue menkeda, “Menkhan amakʼ ma loloteakʼ hõ coṅ bạnukʼtam ar kũń ma khạndrige. Enḍekhan oka khon ona jiwetʼ dakʼ dom ńamkeda?

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”

Johan sodor 14:13

Ona tayom iń do serma khon mitʼ hoṛ roroṛkaniń ańjomkedea, “Noa katha olme; ńit khon okoe do Probhu tulucʼ kolom mitʼkateko gujukʼkan onko do bhạganko kanako.” Sonot Jiu do noa kathae meneda, “Hẽ, onko doko bhạgangea. Onkoakʼ mehnot khon onko do jirạuko ńama, ente onkoakʼ kạmi reakʼ kuṛại do ako soṅgere tahena.”

Johan 1:37

Ado Johan noa katha roroṛkin ańjomkede khan unkin banar cela do Jisukin pańjakedea.