Johan sodor 20:13 - Santali Common Language New Testament

¹³ Ar okoe gocʼ hoṛko do jalapurireko tahẽkan, onko do jalapuriye idiketʼkoa. Ona chaḍa moron ar patalpurire okoe gocʼakan hoṛko tahẽkan, onko dokin em ruạṛkatʼkoa. Ar mimitʼko do akoakʼ kạmi lekako bicạr ocoyena.

সান্তালী বাইবেল

¹³ Ar okoe gocʼ hoṛko do jalapurireko tahẽkan, onko do jalapuriye idiketʼkoa. Ona chaḍa moron ar patalpurire okoe gocʼakan hoṛko tahẽkan, onko dokin em ruạṛkatʼkoa. Ar mimitʼko do akoakʼ kạmi lekako bicạr ocoyena.

Johan sodor 20:13 Referans Kwoze

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, maha mạrite, ar dhạrtiren bir janwarko hotete hoṛkokin gocʼko.

Johan sodor 20:14

Tayomte moron ar patal puri do seṅgel reakʼ doreão rekin khadle ocoyena. Noa seṅgel reakʼ doreãore ńurokʼge hoyokʼ kana dosar gujukʼ do. Ar okoeakʼ ńutum ona jion reakʼ puthire baṅ ńamlen, onko do seṅgel reakʼ doreãoreko khadle ocoyena.

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭen puthi oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol akan tahẽkan ona lekage onkoakʼ bicạr do hoyena.

Johan sodor 1:18

ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Mathae 11:23

Ar E am Kaparnạhum! Baṅ do serma hạbicʼem usul ocokokʼ? Tishõ baṅa, am do patal puri hạbicʼem ńurhạ ocokʼa. Okako hahaṛa kạmi amre hoeakan, ona Sodomre hoelen khan enḍekhan teheń hạbicʼ tahẽkokʼa honaṅ.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

1 Korinthiko 15:26

Ar sesicʼ bạiri moron, uni hõe marao ocokʼa.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa je, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”