Johan sodor 2:16 - Santali Common Language New Testament

¹⁶ Onate noa khon mon ạcurtam. Ar mon bam ạcurtam khan enḍekhan iń do usạrage am ṭheniń hijukʼkana ar ińakʼ moca reakʼ tarwaṛete onko birudreń lạṛhạiya.

সান্তালী বাইবেল

¹⁶ Onate noa khon mon ạcurtam. Ar mon bam ạcurtam khan enḍekhan iń do usạrage am ṭheniń hijukʼkana ar ińakʼ moca reakʼ tarwaṛete onko upạrteń lạṛhạiya.

Johan sodor 2:16 Referans Kwoze

2 Thessalonikiko 2:8

Probhu Jisu do acʼakʼ moca reakʼ sãhetʼteye maraoe utạrea ar acʼakʼ ṭhonokteye sodorokʼte uniakʼ daṛeye cabaetaea.

Johan sodor 1:16

Uni do acʼakʼ jojom tite eae goṭecʼ ipile sapʼakatʼko tahẽkana ar moca khon do banarsa dharanakʼ mitʼṭen laser tarwaṛe oḍokokʼkantae tahẽkana. Uniakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Johan sodor 2:5

Hudiskate ńelme, am do tinạkʼ usul khon tinạkʼ latartem pheḍakana. Noa khon mon ạcurtam ar lahate okakom kạmikan tahẽkan onare ruạṛme. Ar mon bam ạcurletam khan enḍekhan am ṭhen hecʼkate amakʼ diuhe dohowakʼ do ona jaega khoniń ocoga.

Ephesiko lạgitʼ Pạul Apostolakʼ ciṭhi 6:17

Ar bańcaokʼ lạgitʼ bohokʼ reakʼ aḍonakʼ hatao joṅpe ar sonot Jiu reakʼ tarwaṛege, metakʼme Isorakʼ katha ataṅ joṅpe.

Johan sodor 19:21

Ar okoe uni ponḍ sadomreye decʼakan tahẽkan, ar uniakʼ moca khon okaṭakʼ tarwaṛe oḍokokʼkan tahẽkan onate unkinren eṭakʼ sanam soṅgetenkoko gocʼ ocoyena. Onate cẽṛẽko do onkoakʼ jel jomteko biyena.

Johan sodor 19:15

Sanam jạtko jemone ḍanṭao daṛeako ona lạgitʼ uniakʼ moca khon mitʼṭen laser tarwaṛe oḍokokʼkan tahẽkana. Uni do mẽṛhẽtʼ reakʼ ṭheṅgate sanam jạtkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Johan sodor 2:12

“Pergamom nagraha reakʼ manḍerren goḍet ṭhen noa katha olme. Okaṭakʼ laser tarwaṛe banar secʼ dhar menakʼ ona ạidạrige noa kathae meneda:

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Johan sodor 22:7

Jisui meneda, “Ńelpe, iń do ạḍi usạrageń hijukʼ kana. Noa puthi reakʼ sanam katha, metakʼme Isorakʼ kathako okoeye manao uni doe bhạgangea.”

Johan sodor 16:9

Unre ãṭ elaṅte hoṛko loyena, ar noako sạjại cetanre okoeakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Johan sodor 22:20

Okoe noako reaṅe gohayetʼkan uniye meneda, “Sạrige iń do hako pakogeń hijukʼkana.” Amen. Probhu Jisu, dela hijukʼme.