Johan sodor 19:12 - Santali Common Language New Testament

¹² Uniakʼ mẽtʼ do jolokʼkan seṅgel leka ar uniakʼ bohokʼre do ạḍi utạr mukuṭ tahẽkana. Uniakʼ hoṛmore nonkan mitʼṭen ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

সান্তালী বাইবেল

¹² Uniyakʼ mẽtʼ do jolokʼkan seṅgel leka ar uniyakʼ bohokʼre do ạḍi utạr mukuṭ tahẽkana. Uniyakʼ hoṛmore nonkan mitʼṭecʼ ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

Johan sodor 19:12 Referans Kwoze

Johan sodor 19:16

Ar uniakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Luk 10:22

‘‘Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.’’

Johan sodor 1:14

Uniakʼ bohokʼ ar upʼ do ponḍge tahẽkana, ponḍ bhiḍi upʼ leka ar him lekage ar mẽtʼ do seṅgel lepʼ leka tahẽkana.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri iń ṭhen emakana.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭen khũnṭiń teṅgoyea; uni do tisge bahrete bae calakʼa. Iń do unire ińren Isorakʼ ńutum ar ińren Isorakʼ nagraha reakʼ ńutumiń ola. Ona nagraha do nawa Jerusalemge. Serma khon ińren Isor ṭhen khon noa nagraha do pheḍ hijukʼa. Ar okoeye jitạukʼa, iń do unire ińakʼ ńutumiń ola.

Ibriko 2:9

menkhan abo do Jisu bon ńel ńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Johan sodor 12:3

Ona tayom sermare armitʼṭen cinhạ ńelena; seṅgel leka maraṅ okocʼ mitʼṭen arakʼ bińge. Uniakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 6:2

Ar okoe unireye decʼ akan tahẽkan uniakʼ tire do mitʼṭen akʼ tahẽkana. Uni do mitʼṭen mukuṭko emadea ar jitạuicʼ lekae oḍok calaoena are jitạu idikeda.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor bemanote reakʼ aema ńutum ol tahẽkana.

Mathae 21:5

“Sionren hoponera metaepe, ńelme amren raj do am ṭhene darae kana; uni do mạ̃hir ar gadhare decʼakan; ar mitʼṭen gadha hopon, ladhna janwar hoponre.”

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ lekalaṅ mitʼge noko hõ onkage mitʼko tahen.

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

Ephesiko lạgitʼ Pạul Apostolakʼ ciṭhi 1:21

Uni do serma reakʼakʼ sanam lekan ektiạri, daṛe ar mạlikiko Mạsi gobolreye dohokeda. Ar mitʼke mitʼ ńutum cetanre baṅ do nahakʼ jugre baṅ do darakan jugre, ona sanam cetanre Mạsiakʼ ńutume dohokeda.