Johan sodor 13:8 - Santali Common Language New Testament

⁸ Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

সান্তালী বাইবেল

⁸ Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan sodor 13:8 Referans Kwoze

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana je, Jisu Mạsi hotete acʼren hoponko lekateye ataṅ bona.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Johan sodor 17:8

Ar okoe janwarem ńellede uni do lahateye tahẽkana, menkhan ńitokʼ do bạnuya. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu jokhecʼ khon okoekoakʼ ńutum do jion reakʼ puthire ol bạnukʼtako onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuya, menkhan arhõe ńel ocokʼa.

Johan sodor 3:5

Okoeye jitạukʼa uni do nonkan ponḍ kicricʼe horoga. Ar iń do jion reakʼ puthi khon uniakʼ ńutum tishõ bạń meṭaotaea, bickom ińren Baba ar uniren goḍetko samaṅreń aṅgocea.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan okoe hoṛge onḍe do bako bolo daṛeakʼa; ar okoeakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Johan sodor 5:12

Onko do ãṭ aṛaṅte noa kathako menetʼkan tahẽkana: “Okoeṭakʼ Bheḍa Hopone gocʼ ocolen, unige ektiạri, dhon, akel, daṛe, manot, ṭhonok ar sarhao ńam lek kanae.”

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Luk 10:20

Menkhan bhutko apeakʼ kathako ańjometʼkante alope rạskạkʼa, bickom sermare apeakʼ ńutum ol caṛhao akan iạte hulạsokʼpe.”

Philipiko lạgitʼ Pạul apostolakʼ ciṭhi 4:3

E sạri juri ãrãṛtiń am hõń nehõram kana, am do nukin maejiu goṛowạkinme. Unkin do Mạsi reaṅ bhage sombat iạte iń tulucʼ, ar Klement ar ińren eṭakʼ são kạmiyạko tulucʼ kosṭokin sahao akada. Nokoakʼ ńutum do jion reakʼ puthire olakana.

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.

Johan sodor 3:10

Sobori reakʼ okań hukumatʼme tahẽkan ona dom dohoakada; onate dhạrtire oka duk reakʼ ghuṛi daraekan ona khon iń doń rukhiyạmea. Ar okoe doko noa dhạrtirenkan onko biḍạuko lạgitʼge noa duk reakʼ okte do hijukʼa.

Johan sodor 12:15

Unre uni biń do maejiue ạtu gotʼkae lạgitʼ acʼakʼ moca khon gaḍa dakʼ leka dakʼe ạtu oḍok ocokeda,

Johan sodor 5:13

Ona tayom sermare, dhạrtire, ot latarre ar jalapurire tinạkʼ jiwiyan menakʼko, ar onare jãhãnakʼge menakʼ jotokoge noa katha roroṛkaniń ańjomketʼkoa: “Singhạsonre okoeye duṛupʼ akan Uniakʼ ar uni Bheḍa Hoponakʼ sarhao man ar ṭhonok ar daṛe do jaejug hạbicʼ tahenma.”

Johan sodor 6:1

Bheḍa Hopon do ona eae goṭecʼ mohor chapko reakʼ pạhilakʼe raṛaketʼ khan iń ńelkeda; onko ponea jiwiyanko modren mitʼṭen do huḍur reakʼ aṛaṅ leka roroṛkaniń ańjomkedea, “Dela hijukʼme.” Unre mitʼṭen ponḍ sadomiń ńel ńamkedea.

Johan sodor 13:12

Nui janwar do pạhilicʼ janwar reakʼ joto ektiạri calaoe ehopʼena; ar okoe doko noa dhạrtiren kan onko hotete uni pạhilicʼ janwar, metakʼme okoeakʼ ghạl boge akantae uni do Isor menteko sewawadea.