Johan sodor 13:6 - Santali Common Language New Testament

⁶ Unre uni janwar do Isor birudre, uniakʼ ńutum reakʼ ar uniakʼ tahen jaega birudre ar sermare tahenkanko birudre ạḍi bemanot kathako roroṛe ehopʼena.

সান্তালী বাইবেল

⁶ Unre uni janwar do Isor upạrte, uniyakʼ ńutum reakʼ ar uniyakʼ tahen jaega upạrte ar sermare tahenkanko upạrte ạḍi henosta kathako roroṛe ehopʼena.

Johan sodor 13:6 Referans Kwoze

Johan sodor 12:12

“Onate E serma, hulạsokʼme; ar ape okoe do onḍepe tahenkan, hulạsokʼpe. Menkhan dhạrti ar jalapuri abenre do hae hae, ente Soetan do aben cetanreye pheḍ hecʼakana. Soetan do raṅgaoteye phulạu akana, enteye baḍaea uniakʼ do ḍher somoe bạnukʼtaea.”

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoeakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape birudre uni okae cekaletʼ ona lạgitʼ Isor do uniye bicạr akadea.”

Johan sodor 11:12

Tayomte unkin gohakin do serma khon ãṭ aṛaṅte noa kathakin ańjomkeda, “Nonḍe rakapʼ hijukʼ ben.” Unre unkin do ạkinren bạirikoakʼ mẽtʼãhã samaṅrege mitʼṭen rimilte sermatekin rakapʼ calaoena.

Johan sodor 7:9

Inạ tayom sanam jạtko, bõsko, disạm ar pạrsiren modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.

Johan sodor 5:13

Ona tayom sermare, dhạrtire, ot latarre ar jalapurire tinạkʼ jiwiyan menakʼko, ar onare jãhãnakʼge menakʼ jotokoge noa katha roroṛkaniń ańjomketʼkoa: “Singhạsonre okoeye duṛupʼ akan Uniakʼ ar uni Bheḍa Hoponakʼ sarhao man ar ṭhonok ar daṛe do jaejug hạbicʼ tahenma.”

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.

Johan sodor 4:1

Noa tayom iń do serma reakʼ mitʼṭen duạr jhicʼ akatʼiń ńelkeda. Ar siṅgạ reakʼ saḍe leka okoeakʼ aṛaṅiń ańjomletʼ uni doe metadińạ, “Am do nonḍe rakapʼ hijukʼme. Ar noako tayom oka hoyokʼ lạgidokʼkan onań udukʼama.”

Ibriko 9:2

Ar ona lekatege mitʼṭen tạmbu do benao hoelena. Ona tạbmu reakʼ pạhil hạṭińre tahẽkana diuhe dohowakʼ ar mej ar samaṅakʼ piṭhạ. Noa pạhil hạṭiń reakʼ ńutum do tahẽkana sonot jaega.

Romiko lạgitʼ Pạul Apostolakʼ ciṭhi 3:13

Onkoakʼ moca do oṭakʼ akatʼ topa lekana, onko do alaṅte eṛeko roṛa, ar luṭire do bińakʼ bis menakʼtakoa.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

Kolossiko lạgitʼ Pạul Apostolakʼ ciṭhi 1:19

Isor doe goṭaletʼa jemon acʼakʼ joto lekanakʼ perecʼtetʼ Mạsire tahen.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniakʼ oka ṭhonok menakʼ ona do alele ńelakada. Uni do daya ar sạriakʼteye perecʼgea.

Johan sodor 7:15

Onate noko do Isorakʼ siṅghạson samaṅre menakʼkoa ar serma reakʼ mundilre siń ńindạ uniko sewawae kana. Okoe siṅghạsonreye duṛupʼ akan unige noko cetanreye chạunikʼa.

Johan sodor 15:5

Noa tayom iń doń ńelkeda, serma reakʼ ona mundil, metakʼme goha tạmbu do jhicʼena.