Johan 8:47 - Santali Common Language New Testament

⁴⁷ Okoe hoṛ doe Isorren kan, uni do Isorakʼ kathageye ańjoma. Ape dope baṅkante Isorakʼ katha bape ańjomeda.”

সান্তালী বাইবেল

⁴⁷ Okoe hoṛ doe Isorren kan, uni do Isorakʼ kathageye ańjoma. Ape dope baṅkante Isorakʼ katha bape ańjomeda.”

Johan 8:47 Referans Kwoze

2 Johan 1:9

Okoe Mạsiakʼ sikhnạtko taṛam parom ar ona sikhnạtre ṭarhao akae bako tahen, onkoakʼ ontorre Isor do bạnugicʼan. Menkhan okoe ona sikhnạtre ṭarhao akane tahenkan uniakʼ ontorre do Baba ar Hopon bana hoṛge menakʼkinạ.

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriakʼren kan uni do ińakʼ kathae ańjoma.”

1 Johan 3:10

Okoe bhage kạmire apnar bako lạgiạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana.

Johan 8:45

Menkhan sạri kathań roṛetʼte ape do bape pạtiạuạń kana.

Johan 8:37

Baḍaegeạń Abrahamren bõsko kanape, menkhan enhõ ape do gojeńpe menjoṅkana, ente ińakʼ katha do apeakʼ ontorre jaega bae ńameda.

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Johan 6:65

Ona iạteye menkeda, “Onateń metapekana, Ạpuń daṛe bae emape khan okoe hõ iń ṭhen do ohope hecʼ daṛelena.”

3 Johan 1:11

Dulạṛiạ gate, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńṭoṭhadea.

1 Johan 5:1

Jisu do Mạsi kanae mente okoeko pạtiạukʼkan, onko do Isor khonko janamakana. Ar okoe Babako dulạṛedekan onko do uniren Hopon hõko dulạṛede kana.

Johan 5:25

Sạrigeń metapekana, nonkan okte hijukʼ kana, bickom ńitokʼkangea, tinre gocʼko do Isorren Hoponakʼ aṛaṅko ańjoma ar tinạkʼko ańjom onko doko jiwedokʼa.

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;