Johan 8:39 - Santali Common Language New Testament

³⁹ Onate onko Jihudi mukhiạko do Jisuko metadea, “Abraham doe aleren baba kana.” Jisui metatʼkoa, “Ape do Abrahamren hoponkope hoelen khan Abraham lekagepe kạmikea.

সান্তালী বাইবেল

³⁹ Onate onko Jihudi mukhiyạko do Jisuko metadea, “Abraham doe aleren baba kana.” Jisui metatʼkoa, “Ape do Abrahamren hoponkope hoylen khan Abraham lekagepe kạmikea.

Johan 8:39 Referans Kwoze

Galathiko lạgitʼ Pạul Apostolakʼ ciṭhi 3:7

Onate noa katha baḍaejoṅpe, okoe Isorreko pạtiạukʼkan eken onko kangeako Abrahamren hoponko do.

Romiko lạgitʼ Pạul Apostolakʼ ciṭhi 9:7

Onko doko Abrahamren bõskanre hõ uniren sạriakʼren hopon doko baṅkana, bickom sonot sostor reakʼ katha leka, “Isạhakren bõskoge amren bõs menteko ńumogokʼa.”

Johan 8:37

Baḍaegeạń Abrahamren bõsko kanape, menkhan enhõ ape do gojeńpe menjoṅkana, ente ińakʼ katha do apeakʼ ontorre jaega bae ńameda.

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

Galathiko lạgitʼ Pạul Apostolakʼ ciṭhi 3:29

Mạsirenpe hoeakante Abraham bõsren hoponko hõpe hoeakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoeakana.

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạu akana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Romiko lạgitʼ Pạul Apostolakʼ ciṭhi 4:12

Ona chaḍa, khatnakʼ lahare Abraham do cetʼleka biswạs reakʼ horreye taṛametʼ tahẽkan, onkage khatna akan okoe doko calakʼkan onkoren hõ Abraham doe baba kana.

Johan 8:33

Unre Jihudi mukhiạko do Jisuko metadea, “Ale do Abrahamren bõs kanale; ar tisge okoeren golam hõ bale hoeakana. Am do cekatem meneda, ale dole sạdhin ocokʼa?”

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Johan 8:56

Aperen baba Abraham hõ ińakʼ dinko ńel lạgitʼe hulạslena. Menkhan uni doe ńelleda ar kusi hõe kusilena.”