Johan 8:29 - Santali Common Language New Testament

²⁹ Okoe ińe kolakadiń unige iń sãote menaea. Uni do eskar bae bạgi akawạdińạ, ente okaṭakʼ kạmiye kusiyakʼkan onage siń sạṭupʼ iń kạmiyeda.”

সান্তালী বাইবেল

²⁹ Okoe ińe kol akadiń unige iń sãote menaea. Uni do eskar bae bạgi akawạdińạ, ente okaṭakʼ kạmiye kusiyakʼkan onage siń sạṭupʼ iń kạmiyeda.”

Johan 8:29 Referans Kwoze

Johan 6:38

ente ińakʼ sanaleka kạmi lạgitʼ do baṅ, bickom okoeye kol akadiń uniakʼ monejoṅ leka kạmi lạgitʼge serma khoniń pheḍ hecʼakana.

Johan 16:32

Ńelpe, ona okte do hijukʼkana, hẽ hecʼakangea, unre ape dope chir chạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Johan 4:34

Unre Jisui metatʼkoa, “Okoeye kol akadiń uniakʼ sanaleka senakʼ ar uniakʼ kạmi purạutaege hoyokʼ kana ińakʼ jomakʼ do.

Johan 15:10

Cetʼleka iń do Babawakʼ sanam hukumkoń dohoyetʼkante uniakʼ dulạṛre minạńa, onkage ińakʼ hukumkope dohole khan ape hõ ińakʼ dulạṛrepe tahena.

Johan 5:30

Iń do apnarte cetʼge bạń ceka daṛeakʼa; cetʼlekań ańjoma onkageń bicạra. Iń do hok reakʼgeń bicạra, ente ińakʼ sana leka kạmi do bạń khojkana menkhan okoeye kolakadiń uniakʼ menjoṅ lekageń kạmia.

Johan 8:16

Ar jãhãtis iń bicạrlere hõ ińakʼ bicạr do sạrigea, ente iń do bạń eskara. Iń ma minạńge ar okoeye kolakadiń uni ińren Baba hõ soṅgete menaea.

1 Johan 2:1

E ińren dulạṛiạ gidrạko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛo abon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

2Timothi 4:17

Menkhan Probhu do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Johan 14:31

Menkhan noa do hoyokʼ kana jemon hoṛkoko baḍae daṛeakʼ je, iń do Babań dulạṛedekana ar Baba cetʼ lekae hukum akadiń onkage jotowakʼ iń kạmikana. Ma beredokʼpe, dela nonḍe khon bon calakʼa.

Johan 17:4

Am do okaṭakʼ kạmim emakawadiń ona sạtkate noa dhạrtireń ṭhonok ocoakatʼmea.

Mathae 17:5

Ado Patras kathae roroṛkan tahẽkanrege mitʼṭen jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniakʼ ańjomtaepe.”

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusiakan.”

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

2Timothi 4:22

Probhu do am tulucʼ baṛeye tahenma. Isorakʼ daya ape tulucʼ tahẽakan tahenma.

Mathae 3:15

Jisui menkeda, “Niạ dom do nonkage hoe ocowakʼme, ente Isorakʼ sana do nonkage purạu lek talaṅa.” Adoe aṛakʼadea.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiakʼ onako bon kạmi.