Johan 7:32 - Santali Common Language New Testament

³² Hoṛko Jisu reaṅko phasar phusuretʼkan ona do Phạrusikoko ańjomkeda. Unre maraṅ naekeko ar Phạrusiko do Jisu sabe lạgitʼ peadakoko kolketʼkoa.

সান্তালী বাইবেল

³² Hoṛko Jisu reaṅko phasar phusuretʼkan ona do Phạrusikoko ańjomkeda. Unre maraṅ naekeko ar Phạrusiko do Jisu sabe lạgitʼ peadakoko kolketʼkoa.

Johan 7:32 Referans Kwoze

Aposkạmi 5:26

Unre maraṅ kạmiạyicʼ do acʼren kạmiạkoe idiketʼkote apostolkoe sapʼ ạguketʼkoa. Menkhan hoṛko do kạmiyạko dhiriteko tiń botecʼko botorte apostolko ạḍi bako jormoṭletʼkoa.

Johan 18:3

Ar maraṅ naekeko ar Phạrusiko do Jihudạ soṅgete mitʼ dol palṭon ar kạmiạko kolketʼkoa. Unre Jihudạ do onko sãote diuhe, mosal ar khanḍa banḍawante onḍeye seṭerena.

Johan 12:19

Noa ńelte Phạrusiko do ako akoreko men joṅana, “Aboakʼ do cetʼ labge baṅ hoyokʼkana. Ente ńelpe, goṭa duniạrenkoge uniakʼ dolreko calaoena.”

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼetʼ kana. Onare ape hõ bape bolokʼkana ar okoe bolokʼko kurumuṭukan onko hõ bape bolo ocoakokana.

Mathae 12:14

Unre Phạrusiko do barhete oḍok senkate Jisu goje lạgitʼ soṛojontroko dhurạuena.

Mathae 26:58

Patras do pharak pharakte maraṅ naekeakʼ raca hạbicʼ Jisui pańja idikedea ar mucạtʼ hạbicʼe ńela mente bhitrite bolokate sipạhiko sãoteye duṛupʼ panteyena.

Johan 7:30

Noa iạte onko hoṛ do Jisu sabeko menetʼ tahẽkana, menkhan un hạbicʼ hõ okte baṅ hoeakantae tahẽkante okoe hõ bako joṭetʼledea.

Johan 11:46

Menkhan onko modren adomko do Phạrusiko ṭhen senkate Jisu okae kạmiletʼ onako lạiatʼkoa.