Johan 7:31 - Santali Common Language New Testament

³¹ Menkhan ḍher hoṛge Jisure pạtiạuenteko menkeda, “Nui do aema hahaṛawakʼkoe kạmi kana. Mạsiye hecʼlenre noako khon hõ bạ̃ṛti hahaṛawakʼko cetʼ bae kạmiya?”

সান্তালী বাইবেল

³¹ Menkhan ḍher hoṛge Jisure pạtiạuenteko menkeda, “Nui do aema hahaṛawakʼkoe kạmikana. Mạsiye hecʼlenre noako khon hõ bạ̃ṛti hahaṛawakʼko cetʼ bae kạmiya?”

Johan 7:31 Referans Kwoze

Johan 12:42

Enre hõ mukhiạko modren ḍher hoṛge unireko pạtiạuena, menkhan Phạrusiko ṭhen biṭlạha ocokʼ botorte bako aṅgocleda.

Mathae 12:23

Onate uni hoṛ do roroṛe ehopʼena ar ńeńel daṛeye ńamkeda. Unre sanam hoṛ do hahaṛayenteko menkeda, “Nui do cetʼ Dạudren hopon kanae?”

Aposkạmi 8:13

Ar uni Simon hõe pạtiạuente bạptismae hataokeda ar Philip são sãote sanam jaegakoteye senena ar cinhạ kạmiko ar maraṅ maraṅ hahaṛa kạmiko ńelteye ṭhak utạrena.

Johan 11:45

Mạriạm ṭhen okoe Jihudikoko hecʼakan tahẽkan onko modren ạḍi utạr hoṛ do Jisuakʼ noa kạmi ńelte unireko pạtiạuena.

Johan 9:16

Noate Phạrusiko modren adomko doko menkeda, “Uni hoṛ do Isor ṭhen khon bae hecʼakana, ente uni do jirạukʼ mãhã hõ bae manaoeda.” Eṭakʼ Phạrusiko doko menkeda, “Cekate mitʼṭen kại hoṛ do nonkan hahaṛawakʼe kạmi daṛekea?” Nonkate onko talare bhinạ bhini hoyena.

Jakob 2:26

Jiwi begor hoṛmo cetʼleka gocʼge onkage kạmi begor biswạs hõ gocʼgea.

Johan 12:11

ente Lasar iạte Jihudiko modren ḍher hoṛge mukhiạkoko bạgiatʼkote Jisureko pạtiạuena.

Johan 6:2

Ar ạḍi utạr hoṛ do Jisuko pańja idikedea, ente rugiko cetanre cinhạ kạmi lekate okako hahaṛa kạmiye kạmi akatʼ tahẽkan onko do onakoko ńelakatʼ tahẽkana.

Johan 4:39

Ado okoe maejiue gohayetʼ tahẽkan, acʼe ceka akatʼ ona jotowakʼ do uniye lạiakada mente, onate uniakʼ katha ańjomkate ona atoren ạḍi utạr Samariạ hoṛ do Jisureko pạtiạuena.

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Johan 2:11

Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.

Luk 8:13

Dhiri hasare ńũren itạte do onko lạgitʼge roṛ akana, okoe do katha ańjomkate rạskạteko ataṅetʼkan, menkhan onkore ona reakʼ rehetʼ do mońjte baṅ bạisạukʼ kana. Onate onko do thoṛa din lạgitʼko pạtiạukʼkana, menkhan biḍạureko paṛaolen khan doko pạcokʼ kana.

Johan 4:29

“Dela hijukʼte mitʼṭen hoṛ ńelepe. Uni do ińiń ceka akatʼ jotowakʼe lại ạdińa. Baṅ do nuigeye Mạsikan?”

Johan 7:26

Menkhan uni ma khulạsate kathae roroṛkan, ar mukhiạko hõ coṅ cetʼge bako metaekan. Enḍekhan onko do cetʼ sạrigeko baḍae oromkedea, nui doe Mạsi kana mente?