Johan 5:44 - Santali Common Language New Testament

⁴⁴ Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

সান্তালী বাইবেল

⁴⁴ Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Johan 5:44 Referans Kwoze

Johan 12:43

Onko do Isor ṭhenakʼ man khon hoṛko ṭhenakʼ mange bạ̃ṛtiko kusiyakʼkan tahẽkana.

Romiko lạgitʼ Pạul Apostolakʼ ciṭhi 2:29

Menkhan ontorte okoe doe Jihudikan uni kangeae khạṭi Jihudi. Ar khạṭi khatna akan reakʼ kạmi hõ ontorrege hoyokʼa. Ona do sonot Jiu reakʼakʼko kana, olakʼ ạnko pańjae reakʼ do baṅkana. Nonkan hoṛ do manwa secʼ khon sarhao bako ńama, menkhan Isor khon sarhao doko ńamgea.

Philipiko lạgitʼ Pạul apostolakʼ ciṭhi 2:3

Apnarakʼ porho lạgitʼ se michạ bạḍạite cetʼ hõ alope cekaya, bickom nindhạn monte eṭakʼko apnar khon soros mente bujhạukope.

Mathae 23:5

Hoṛko ṭhen ńelocokʼ lạgitʼ onko do sanamakʼko kạmiyeda. Sonot sostor reakʼ olakʼ tạbijkoko lạṭuiya ar dhorom ńel ocokʼ lạgitʼ oyonakʼ reakʼ ańcarkore jeleń jeleńko dạsiya.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoe hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

1 Korinthiko 4:5

Onate Probhu hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Romiko lạgitʼ Pạul Apostolakʼ ciṭhi 2:10

Menkhan bhageakʼ kạmikanko do ṭhonok, man ar sulukko hameṭ joṅa. Pạhilre Jihudiko ar ona tayom do boṅgan hoṛ jạtrenkoge.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Luk 19:17

“Raj do uniye metadea, ‘bes akadam. Am do bhage guti kanam. Ar thoṛawakʼkore pạtiạrem tahẽkante gel goṭen nagraha reakʼ dạyikiń emamkana.’

Jakob 2:1

E ińren boehako, aboren ṭhonokte perecʼ Probhu Jisu Mạsirepe pạtiạu akan khan sanamko somante beṅgetʼ akope.

Ibriko 3:12

E boehako, sontor akae tahenpe! Ape modre okoeakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

2 Korinthiko 10:18

ente apnarte sarhaokʼicʼ do okoe hõ bhage mente bae sạbudokʼa, bickom Probhu okoeye sarhaoe unige bhage menteye sạbudokʼa.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Johan 3:20

Okoe bạṛicʼakʼe kạmikan uni do marsale hirkhạwakʼ kana. Ar bạṛicʼ kạmiko sodorokʼtae iạte marsal ṭhen do bae hijukʼ kana.

Johan 5:41

“Manwakoakʼ sabasi ńam lạgitʼ do bạń kurumuṭuyeda,

1 Thessalonikikko 2:6

Hoṛko ṭhen khon, metakʼme ape ṭhen se eṭakʼ jãhãeko ṭhen khon sarhao ńam reakʼ do bale kurumuṭu akada. Ale do Mạsiren apostolko lekate aleakʼ ạidạri ape cetanrele khaṭao daṛekea,

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.