Johan 5:37 - Santali Common Language New Testament

³⁷ Uni Babage, one okoe do ińe kolakadiń, uni acʼge iń reaṅ gohae emakada. Ape do tis hõ uniakʼ aṛaṅ bape ańjom akatʼtaea ar mẽtʼãhã hõ bape ńelakada.

সান্তালী বাইবেল

³⁷ Uni Babage, one okoe do ińe kol akadiń, uni acʼge iń reaṅ gohae emakada. Ape do tis hõ uniyakʼ aṛaṅ bape ańjom akatʼtaea ar mẽtʼãhã hõ bape ńelakatʼtaea.

Johan 5:37 Referans Kwoze

Johan 8:18

Iń do iń reakʼ gohań emeda, ar ińe kolakadiń Baba hõ iń reakʼ gohae emeda.”

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńṭoṭhadea ar bako ńel daṛeaea; uniakʼge man ar jaejug daṛe do. Amen.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusiakan.”

1 Johan 4:20

Okoe Isore dulạṛede kana menteye menetʼkan, menkhan acʼren boehae kurudae kan uni doe eṛeyicʼ kana; ente mẽtʼte ńṭoṭhade boeha okoe bae dulạṛedekan uni do cekate baṅ ńṭoṭhade Isor doe dulạṛ daṛekea?

1 Johan 4:12

Isor do okoege tishõ bako ńṭoṭhadea. Ar abo mimitʼko bon dupulạṛ khan, enḍekhan bon bujhạu daṛeakʼa, Isor do aboakʼ ontorre menaea ar uniakʼ dulạṛ do aboakʼ ontorre purạteye kạmiyeda.

Johan 14:9

Jisu do uniye metadea, “E Philip, nunạkʼ din ape tulucʼ minạńa, enrehõ cetʼ bape baḍae akadińạ? Okoe ińe ńelakadiń uni do Baba hõe ńelakadea. Am do cekatem meneda, ‘Baba baṛe udukʼaleme?’

Johan 6:27

Menkhan oka jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniakʼge menakʼtaea mente.

Mathae 17:5

Ado Patras kathae roroṛkan tahẽkanrege mitʼṭen jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniakʼ ańjomtaepe.”

Johan 15:24

Okako kạmi okoe tisge bako kạmiakatʼ onako kạmi onko samaṅre bạń kạmi lekhan onkoakʼ dos do oho hoekokʼa. Menkhan ńitokʼ onko do iń ar ińren Baba hõko ńelakadea arko kurud ạliń kana.

Mark 1:11

Unre serma khon mitʼṭen aṛaṅ ańjomena, “Amge ińren dulạṛiạ Hopon, iń do amreń kusi akana.”

Luk 3:22

Ar sonot Jiu do parwa leka uni cetanreye pheḍ hecʼena, ar serma khon noa katha ańjomena, “Amge ińren dulạṛiạ Hopon, iń do amreń kusi akana.”

Luk 24:27

Inạ tayom uni do Moseakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Johan 5:32

Eṭakʼ mitʼ hoṛ menaea okoe do iń reaṅ gohae emetʼkan, ar ińiń baḍaea uni oka gohae em ona do sạrigea.

1 Johan 5:9

Abo do manwawakʼ goha bon ataṅetʼ kana, menkhan Isorakʼ goha do ona khon hõ maraṅgea; uni do acʼren Hopon reaṅ gohae emakada.