Johan 5:23 - Santali Common Language New Testament

²³ Baba cetʼlekako manotede onkage jemon Hopon hõko manote. Hopon okoe bae manotede, uni do kolakadińicʼ Baba hõ bae manotea.

সান্তালী বাইবেল

²³ Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Johan 5:23 Referans Kwoze

1 Johan 2:23

Okoe Hopon bae aṅgoce uni tulucʼ Babawakʼ do jãhãn jopoṛao bạnukʼtaea, menkhan Hopon okoeye aṅgoce uni tulucʼ do Babawakʼ hõ jopoṛao menakʼtaea.

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tedeń kana. Ar okoe ińko nihạ̃tedeńkan onko do kol akadińicʼgeko nihạ̃tedekana.”

2 Johan 1:9

Okoe Mạsiakʼ sikhnạtko taṛam parom ar ona sikhnạtre ṭarhao akae bako tahen, onkoakʼ ontorre Isor do bạnugicʼan. Menkhan okoe ona sikhnạtre ṭarhao akane tahenkan uniakʼ ontorre do Baba ar Hopon bana hoṛge menakʼkinạ.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Ibriko 1:6

Baṅ, ona do bae menakada. Isor do acʼren dulạṛiạ Hopon noa dhạrtite kole jokhecʼe menakada, “Isorren sanam goḍetko do uniko sewawae ma.”

Ephesiko lạgitʼ Pạul Apostolakʼ ciṭhi 6:24

Aboren Probhu Jisu Mạsire okoekoakʼ bin mucạtʼ dulạṛ menakʼ onko sanamkore Isorakʼ daya baṛe tahenma.

2 Patras 3:18

Ape do aboren Probhu ar babańcaoicʼ Jisu Mạsiakʼ daya ar uni reaṅ akelte hara rakabokʼpe. Ńit ar jaejug hạbicʼ uniakʼge ṭhonok hoyokʼtae ma. Amen.

Romiko lạgitʼ Pạul Apostolakʼ ciṭhi 8:9

Menkhan Isorren Jiu apeakʼ ontorreye berel akan khan ape do kại gobolren dope baṅkana bickom sonot Jiu gobolren kanape. Okoeakʼ ontorre Mạsiren Jiu bạnui uni do Mạsiren doe baṅkana.

1 Korinthiko 10:31

Onate ape do jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoeakana. Onate porho do noage hoeakana, ape dope sonot ocokʼa, ar ona reakʼ mucạtʼ jo do hoyokʼ kana jaejug jion.

Johan 16:14

Uni sạriakʼren Jiuge ińakʼ ṭhonoke sodora, ente jãhãnakʼgeń cekae ariń roṛ onage uni do ape ṭhene sodora. Babawakʼ oka menakʼtae onako sanamakʼge ińakʼ kana.

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

Mathae 12:21

Ar porjạtrenko do uniakʼ ńutumreko bhorsakʼa.

2Timothi 1:12

Ar ona iạte noako dukiń jomakada; ar enrehõ bạń lajaokʼ kana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiakʼ hijukʼ din hạbicʼ rukhiyạ lạgitʼ daṛe menakʼtaea mente.

2 Korinthiko 13:14

Aboren Probhu Jisu Mạsiakʼ daya ar Isorakʼ dulạṛ ar sonot Jiu reakʼ helmel ape jotoko tulucʼ baṛe tahenma.

2 Korinthiko 5:19

Metakʼme, Isor do manwawakʼ ghạṭko bae lekhayetʼtakote Mạsi hotete acʼ tulucʼe samgeyetʼkoa, ar ona samge reakʼ kathako baḍae ocoko reakʼ dạyik do aleye emakatʼlea.

2 Korinthiko 1:9

Alele hudisetʼ tahẽkana, niạ dhao do khạṭigele gujukʼa. Menkhan ona dosa do noa lạgitʼge hoeatʼle tahẽkana jemon apnarre bhorsa baṅkate, okoe gocʼkoe jiwetʼ beretʼetʼko, uni Isorrele bhorsakʼ.

1 Korinthiko 1:3

Aboren Isor Baba ar Probhu Jisu Mạsiakʼ daya ar suluk do apeko tulucʼ baṛe tahenma.

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

Mathae 10:37

“Jãhãege, gogo se baba iń khon bạ̃ṛtiye dulạṛkin uni do ińre lek doe baṅkana. Ar jãhãe acʼren gidrạko iń khon bạ̃ṛtiye dulạṛko uni hõ ińre lek doe baṅkana.

2 Korinthiko 5:14

Mạsiakʼ dulạṛge ale doe gobol akatʼlea, ente khạṭigele bujhạuakada je, sanamko lạgitʼ mitʼ hoṛe gocʼena, ar ona iạte sanamkogeko gocʼena.

1 Korinthiko 16:22

Jãhãe hoṛ Probhu bae dulạṛe khan sarapicʼe hoyokʼma. Maran atha [Probhui darae kana].

Romiko lạgitʼ Pạul Apostolakʼ ciṭhi 15:12

Arhõ Jesaeae meneda, okoe doe Jisại reakʼ rehetʼkan, uni doe hijukʼa, uni do joto jạtkore rajokʼ lạgitʼe teṅgona. Ar sanam jạtren hoṛko do uniregeko bhorsakʼa.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu mạsi doe mãyã apema ar suluke dan apema.

Johan 17:10

Ińakʼ sanamakʼko do amakʼ kana, ar amakʼ sanamakʼ hõ ińakʼ kangea. Ar onkore ińakʼ ṭhonok do sodor akana.

Mathae 28:19

Onate sanam jạtren hoṛko ṭhen calakʼpe ar ińren celakope. Ar Baba, Hopon, Sonot Jiu ńutumte bạptiskope.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạte ape ṭhen niạ ciṭhiń oleda.

Mathae 15:8

noko do mocategeko ganaoedińa, menkhan onkoakʼ ontor do iń khon sạṅgińgetakoa.