Johan 21:22 - Santali Common Language New Testament

²² Jisu do Patrase metadea, “Ạuriń ruạṛ hijukʼ hạbicʼe tahẽ hataṛokʼ khan amakʼ do cetʼ? Menkhan am do iń pańjańme.”

সান্তালী বাইবেল

²² Jisu do Patrase metadea, “Ạuriń ruạṛ hijukʼ hạbicʼe tahẽ hataṛokʼ khan amakʼ do cetʼ? Menkhan am do iń pańjańme.”

Johan 21:22 Referans Kwoze

Mark 9:1

Ona tayom Jisu do celakoe metatʼkoa, “Sạrigeń metapekana, nonḍe teṅgo akanko modre nonkan hoṛ menakʼkoa one onko do Isorakʼ raj daṛe salakʼ hijukʼ ạuriko ńel hạbicʼ okalekate hõ bako gujukʼa.”

Johan sodor 2:25

Eken apeakʼ okaṭakʼ menakʼ, ona do iń ạuriń hijukʼ hạbicʼ kajakte sapʼ dohokakʼpe.

1 Korinthiko 4:5

Onate Probhu hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Johan sodor 3:11

Iń do ạḍi usạrageń darae kana. Amakʼ oka menakʼtam ona do sapʼ uricʼ akae tahenme, okoe hõ amakʼ jitạukʼ reakʼ kuṛại alo jemonko recʼme.

Jakob 5:7

Onate E boehako, tin hạbicʼ Probhu bae hijukʼ unhạbicʼ jiwi hataṛkate jotowakʼ sahaope. Cetʼleka casa do khet reakʼ damanakʼ phosol lạgitʼe ńel horetʼkan ar pạhil ar mucạtʼ dakʼ lạgitʼe sombhuriyetʼ, ona mape ńeletʼkange?

1 Korinthiko 11:26

Onate uni ạuriye hijukʼ hạbicʼ tinạkʼ dhao noa piṭhạpe jom ar noa bạṭi reakʼpe ńũi unạkʼ dhao Probhuakʼ gujukʼ reakʼ kathape porcara.

Johan 21:19

Isorakʼ ṭhonok sodortae lạgitʼ Patrasakʼ cetʼleka gujukʼ hoyokʼtaea ona bujhạu ocoe lạgitʼ Jisu do noa kathae roṛkeda. Ar noae roṛketʼ khan Patrase metadea, “Dela pańjańme.”

Mathae 24:44

Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

Johan sodor 22:20

Okoe noako reaṅe gohayetʼkan uniye meneda, “Sạrige iń do hako pakogeń hijukʼkana.” Amen. Probhu Jisu, dela hijukʼme.

Johan sodor 22:7

Jisui meneda, “Ńelpe, iń do ạḍi usạrageń hijukʼ kana. Noa puthi reakʼ sanam katha, metakʼme Isorakʼ kathako okoeye manao uni doe bhạgangea.”

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtko uni iạte koṛamko ceṭagokʼa. Onage hoyokʼ ma, Amen.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 24:27

Cetʼleka bijli do purub khon oḍokokʼte pạchim hạbicʼ malkao calakʼ, onkage Manwa Hopon reakʼ seṭerokʼ hõ hoyokʼa.

Mathae 24:3

Jisu Joitun burureye duṛupʼ akan tahẽkanre celako uni ṭhen hape hapete hecʼkateko metadea, “Lạialeme, noako do tis hoyokʼa ar oka lekan cinhạko hotetele bujhạu daṛeakʼa amakʼ hijukʼ ar jug mucạdokʼ reakʼ okte do seṭer akana mente?”

Mathae 8:22

Jisu do uniye metadea, “Gocʼkoge akoren gocʼko topa ocoakome, menkhan am do iń pańjańme.”

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kruse gogma ar ińe pańjańma.

Johan 21:21

Patras do uniye ńelkedete Jisui metadea, “E Probhu, nuiakʼ do cetʼ hoyokʼa?”

1 Thessalonikikko 2:19

Ente aboren Probhu Jisui hijukʼre apege cetʼ uni samaṅre aleakʼ as, rạskạ ar ṭhonok reakʼ mukuṭ dope baṅkana?

Jakob 5:8

Ape hõ onkage sombhuripe ar ontorre teṅgo ṭak akae tahenpe, ente Probhu do ạḍi usạrageye hijukʼ kana.