Johan 20:26 - Santali Common Language New Testament

²⁶ Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

সান্তালী বাইবেল

²⁶ Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

Johan 20:26 Referans Kwoze

Johan 20:19

Ado enhilokʼge, hapta reakʼ pạhil din ạyupʼ jokhecʼ celako do Jihudi mukhiạko botorte duạr sińkate mitʼ ṭhenko jarwa akan tahẽkana. Unre Jisu do hecʼkate onko talare teṅgoyenteye metatʼkoa, “Suluk apema.”

Johan 20:21

Jisu do arhõe metatʼkoa, “Suluk ape ma. Baba cetʼleka ińe kolakadiń onkage iń hõ apeń koletʼpea.”

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Luk 9:28

Ado noako kathae roṛketʼ mitʼ hapta tayom Jisu do koejoṅ lạgitʼ Patras, Johan ar Jakobteko soṅgekate mitʼṭen buruteye rakapʼena.

Mathae 17:1

Ado niạ turui din tayom Jisu do eken Patras, Jakob ar uniren boeha Johan soṅgekate mitʼṭecʼ usul buruteye rakapʼ calaoena.

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Luk 24:36

Ado noako reaṅko galmaraokan tahẽkanre Jisu do hecʼkate onko talare teṅgoyente sanamkoe metatʼkoa, “Suluk ape ma.”

Johan 11:16

Unre Thoma, okoe do jawako metae, uni do sãotenkoe metatʼkoa, “Delabon, abo hõbon calakʼa, jemon uni sãotebo gujukʼ.”

Johan 21:1

Inạ tayom Jisu do Tiberias doreão aṛere celako ṭhen arhõe ńel ocoyena. Onḍe do nonka lekae sodorena.

Johan 21:14

Gocʼko khon beretʼ ruạṛ tayom Jisu do tesar dhao acʼren celako ṭhene ńel ocoyena.

Aposkạmi 1:3

Uni do acʼakʼ duk jom tayom nokoko hoṛ ṭhengeye ńel ocolena ar uni je jiwetʼge menae ona reakʼ ạḍi utạr biswạsteakʼ pormane emakada. Uni do pon gel din hạbicʼ celako ṭhene ńel ocoyente Isorakʼ raj reaṅe lạiatʼko tahẽkana.