Johan 2:18 - Santali Common Language New Testament

¹⁸ Unre Jihudi mukhiạko do Jisuko kulikedea, “Noako kạmi reakʼ ektiạriạ je sạrige menakʼtam ona reakʼ cinhạ lekate cetʼ hahaṛa kạmim udukʼ daṛealea?”

সান্তালী বাইবেল

¹⁸ Unre Jihudi mukhiyạko do Jisuko kulikedea, “Noako kạmi reakʼ ektiạriạ je sạrige menakʼtam ona reakʼ cinhạ lekate cetʼ hahaṛa kạmim udukʼ daṛealea?”

Johan 2:18 Referans Kwoze

Johan 6:30

Unreko kulikedea, “Enḍekhan cetʼlekan hahaṛa kạmim udukʼ alete amrele pạtiạu daṛekokʼa? Ar am do cetʼem kạmiya?

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoepe mone akada.”

Aposkạmi 4:7

Onko do Patras ar Johan ako talareko teṅgoketʼkinteko kuliketʼkinạ, “Aben do cetʼ reakʼ daṛete se okoe ńutumte noa ben kạmi kana?”

Johan 1:25

“Am do Mạsi hõ baṅ, Eliạ hõ baṅ, ar uni nạbi hõm baṅkan khan enḍekhan cedakʼem bạptisetʼkoa?”

Luk 11:29

Arhõ aema hoṛ do Jisu beṛhaete lad lad jarwakʼko ehopʼena. Unre Jisui menkeda, “Niạ piṛhiren hoṛ doko bạṛicʼgea. Onko do cinhạko khojkana menkhan Jona reakʼ chaḍa eṭakʼ ar cetʼ cinhạ hõ baṅ udukʼakoa.

Mark 8:11

Ado onḍe Phạrusikoko oḍok hecʼen khan Jisu sãote reṭe peṭekʼko ehopʼena, ar biḍạue lạgitʼ serma khon mitʼṭen cinhạko khojkeda.

Mathae 21:23

Jisu do arhõ mundilteye boloyena. Ar tinreye cetʼakokan tahẽkan unre maraṅ naekeko ar Jihudikoren murubiko do uni ṭhen hecʼkateko menkeda, “Cetʼ ektiạrite noako dom kạmi kana? Ar okoe noa ektiạri doe emakatʼmea?”

Johan 1:19

Jihudi mukhiạko do Jerusalem nagraha khon naekeko ar Liwiko Johan ṭhenko kolketʼko khan Johan do onko ṭhen gohae emkeda. Onko doko kulikedea, “Am dom okoe kana?”