Johan 17:25 - Santali Common Language New Testament

²⁵ E dhoromren Baba, dhạrtiren hoṛko bako baḍae akatʼmea, menkhan iń doń baḍae akatʼmea. Ar nokoko baḍae akada amge ińem kolakadińạ.

সান্তালী বাইবেল

²⁵ E dhoromren Baba, dhạrtiren hoṛko bako baḍae akatʼmea, menkhan iń doń baḍae akatʼmea. Ar nokoko baḍae akada amge ińem kol akadińạ.

Johan 17:25 Referans Kwoze

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ lekalaṅ mitʼge noko hõ onkage mitʼko tahen.

Johan 17:8

Ente okako katha lạiakom metadiń tahẽkan iń do onakoń lại akawatʼkoa. Ar onko do onako ataṅketʼte sạrigeko baḍaekeda, iń do am ṭhen khoniń hecʼakana, arko pạtiạu akana, amge ińem kolakadińa.

Johan 15:21

Onko do iń iạteko onkapea, ente iń okoeye kolakadiń uni do bako baḍaeyedekana.

Johan 7:29

Uni do bape baḍae akadea menkhan iń doń baḍae akadea, ente iń do uni ṭhen khongeń hecʼakana ar unige iń doe kolakadińạ.”

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

Ibriko 8:11

Apnar ato oṛakʼrenko ar apnar boehako, okoe hõ noa menkate do ar tishõ bako cetʼakoa, ‘Probhu baḍaeyeme mente,’ ente sanamkoge iń doko oromińạ.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Johan 8:55

Ape do tis hõ bape baḍae akadea, menkhan iń doń baḍae edekana. Ar bạń baḍae akadea menteń menlekan, ape leka eṛeyicʼgeń hoyokʼa. Menkhan iń doń baḍaeyede kana ar uniakʼ katha lekageń calakʼ kana.

Luk 10:22

‘‘Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.’’

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

1 Johan 1:9

Abo do aboakʼ kạiko bon aṅgocle khan, enḍekhan uni do unrege kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

1 Korinthiko 15:34

Onate ape do apeakʼ monre cetaokʼpe ar alope kạiya. Ente ape modre adomko do Isor bako oromakadea; iń do lajao ocope lạgitʼge noa katha doń roṛeda.

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.

Romiko lạgitʼ Pạul Apostolakʼ ciṭhi 3:26

Onate ńitokʼ sạbudokʼ kana je, acʼ cetʼlekae dhoromge onkage Jisure pạtiạukʼicʼ hõ dhorom menteye ataṅea.

Romiko lạgitʼ Pạul Apostolakʼ ciṭhi 3:11

okoe hõ sạriakʼ reakʼ akelte do bako calakʼ kana. Ar okoe hõ Isorakʼ sana leka bako kạmi kana.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Aposkạmi 17:23

ente ińiń dãṛã baṛaekan tahẽkanre apeakʼ sewa jiniskoń ạribạndhiyetʼ tahẽkana ar nonkan mitʼṭen pinḍ hõń ńamkeda one ona cetanre ol akan, ‘Baṅ baḍae akadeicʼ deb lạgitʼ.’ Ar ape do bin baḍaete okoepe sewawaekan uni reaṅge iń doń porcarape kana.

Johan 17:23

Metakʼme iń do onkore, ar am do ińre, jemon nonkate onko do mitʼko hoyokʼ. Onate dhạrtiren hoṛko baḍae daṛeakʼa, amge ińem kolakadińa ar cetʼleka ińem dulạṛedeńkan onkage onko hõm dulạṛetʼkoa.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kolakadińạ.

Johan 17:18

Ar cetʼleka dhạrtitem kolakadiń onkage ińhõ dhạrtite nokoń kolakatʼkoa.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 16:30

Nitokʼ dole bujhạu daṛeakʼkana, bin baḍaeakʼ do cetʼge bạnukʼtama, ar jãhãege jãhãnakʼe kulime ona reakʼ jạruṛ hõ bạnukʼtama. Ona iạtegele pạtiạukʼ kana am do Isor ṭhen khonem hecʼakana.”

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 8:19

Phạrusikoko metadea, “Amren Baba do okare menaea?” Jisui roṛ ruạṛatʼkoa, “Ape do iń hõ bape baḍae akadińạ ar ińren Baba hõ bape baḍae akadea. Ente ińpe baḍaeliń khan honaṅ ińren Baba hõpe baḍaekea.”

Johan 6:19

Ado pe se pon mail gan lạukạko calao idiakatʼ tahẽkanre, Jisu do doreão cetante taṛamate lạukạ ṭhen hijukʼkanko ńelkedea. Ar uni ńelte celako do ạḍi bạṛicʼko botorena.

Johan 3:17

Uni do manwako dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Johan sodor 16:5

Ar dakʼ cetanre okoeṭakʼ serma goḍetakʼ ektiạri tahẽkantae uni do noa katha roroṛiń ańjomkedea: “E sonoticʼ, am do menamgea arem tahẽkana. Am dom dhoromgea, ente am do noako sạjạiyem emakana.