Johan 17:17 - Santali Common Language New Testament

¹⁷ “Sạriakʼ hotete am lạgitʼge onko do begar dohokom. Amakʼ katha kangea ona sạriakʼtetʼ do.

সান্তালী বাইবেল

¹⁷ “Sạriyakʼ hotete am lạgitʼge onko do begar dohokom. Amakʼ katha kangea ona sạriyakʼtetʼ do.

Johan 17:17 Referans Kwoze

Johan 15:3

Okaṭakʼ kathań galmarao akatʼpe onate ape do laharegepe saphagea.

Ephesiko lạgitʼ Pạul Apostolakʼ ciṭhi 5:26

Mạsiakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭen ṭhonokanakʼ manḍerre samaṅ daṛeakʼ. Unre manḍerre bin dagan, se joṅgṛaoan se onkan jãhãnakʼge baṅ tahena, bickom ona do sonot ar niphuṭge hoyokʼa.

Johan 17:19

Onko iạte am lạgitʼ iń doń begar akana jemon sạriakʼ hotete onko hõko begar ocokʼ.

Johan 8:32

Ona chaḍa ape do sạriakʼtetʼpe baḍae daṛeakʼa, ar ona sạriakʼtetʼge ape doe sạdhinpea.”

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

2 Thessalonikiko 2:13

Probhure dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao doho akatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriakʼre apeakʼ biswạs hotete kại khon bańcaope ńamakada.

Ephesiko lạgitʼ Pạul Apostolakʼ ciṭhi 4:21

Ape do uni reaṅpe ańjomleda, ar uni tulucʼ midokʼte unire oka sạritetʼ menakʼ ona lekagepe cetʼ ocoakana.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅkan ar onare ṭarhao akae tahente jionreko gele belekʼ kana.

2 Korinthiko 3:18

Onate okoe Mạsi tulucʼ bon mitʼ akan, abo sanamko do bin betʼ mẽtʼãhã ạrsire ńelokʼkan muṭhạn leka Probhuakʼ ṭhonok ńel ńelte apnar hõ ṭhonokte hara rakabokʼte uni lekage bon hoyokʼkana. Probhu, metakʼme sonot Jiu reaṅ daṛetege noa do hoyokʼ kana.

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

Luk 8:11

“Golpo reakʼ mane do nõkʼõe: Itạ do hoyokʼ kana Isorakʼ katha.

Johan 8:40

Isor ṭhen khon oka sạriakʼtetʼ iń baḍae akatʼ onage ape doń lạiape kana, ar enhõ gojeńpe menetʼkana; menkhan Abraham do nonka bae kạmileda.