Johan 15:8 - Santali Common Language New Testament

⁸ Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.

সান্তালী বাইবেল

⁸ Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.

Johan 15:8 Referans Kwoze

Johan 8:31

Ado okoe Jihudikoko pạtiạuade Jisu do onkoe metatʼkoa, “Ińakʼ katha lekape senlen khan sạrige ińren celako kanape.

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

Johan 15:5

“Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniakʼ jionre do ạḍi jo jokʼa, ente iń begor ape do cetʼ hõ bape ceka daṛeakʼa.

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniakʼge. Amen.

Johan 13:35

Nonkage ape apere dulạṛ tahen khan sanamkoko bujhạu daṛeakʼa ape do ińren celako kanape mente.”

1 Korinthiko 10:31

Onate ape do jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

1 Korinthiko 6:20

Ape do apnar lạgitʼ dope baṅkana; ente aema damtepe kiriń ocoakana; onate apeakʼ hoṛmo do Isorakʼ mạhimakʼ lạgitʼ emokʼpe.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

1 Patras 2:12

ente onako do aperen Jiu birudreye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

Titus lạgitʼ Pạul Apostolakʼ ciṭhi 2:10

kisạ̃ṛkoakʼ jinisko aloko kombṛoema, bickom sanamakʼre pạtiạr kanako menteko sạbudokʼma, jemon aboren babańcaoicʼ Isorakʼ oka cecetʼakʼ menakʼ ona joto secʼ khon mońj okocʼteko benao rakabokʼ.

Titus lạgitʼ Pạul Apostolakʼ ciṭhi 2:5

ar apnartetʼko sambṛaokʼma, napaeko tahenma, gharońjko disạima, dayakʼkoko hoyokʼma ar jãwãe gobolreko tahenma, jemon okoe hõ Isorakʼ katha aloko bemanot.

Mathae 5:44

Menkhan ińiń metapekana, aperen bạiriko dulạṛkope. Ar okoe apeko santaoetʼpe onko do koeakope.

Mathae 9:8

Ar hoṛko do noa ńelte botor caṛhaoatʼkoa, ar manwa nonkan ektiạriye emakawadete Isor sarhaoeko ehopʼena.