Johan 15:24 - Santali Common Language New Testament

²⁴ Okako kạmi okoe tisge bako kạmiakatʼ onako kạmi onko samaṅre bạń kạmi lekhan onkoakʼ dos do oho hoekokʼa. Menkhan ńitokʼ onko do iń ar ińren Baba hõko ńelakadea arko kurud ạliń kana.

সান্তালী বাইবেল

²⁴ Okako kạmi okoe tisge bako kạmiakatʼ onako kạmi onko samaṅre bạń kạmi lekhan onkoakʼ dos do oho hoykokʼa. Menkhan ńitokʼ onko do iń ar ińren Baba hõko ńelakadea arko kurud ạliń kana.

Johan 15:24 Referans Kwoze

Johan 14:9

Jisu do uniye metadea, “E Philip, nunạkʼ din ape tulucʼ minạńa, enrehõ cetʼ bape baḍae akadińạ? Okoe ińe ńelakadiń uni do Baba hõe ńelakadea. Am do cekatem meneda, ‘Baba baṛe udukʼaleme?’

Johan 5:36

Menkhan Johanakʼ khon hõ ińakʼ do maraṅ goha menakʼtińạ, ente okako kạmi Babae emakawạdiń onakogeń kạmi kana. Ar onako do iń reaṅ noa gohae emeda je, Babageye kolakadińạ.

Johan 10:37

Ińren Babawakʼ kạmiko bạń kạmiyetʼ khan alope pạtiạuạńạ.

Johan 10:32

Jisu do onkoe metatʼkoa, “Babawakʼ hukumleka ạḍi okocʼ bhage kạmikoń udukʼ akawatʼpea Onako modre okalekanakʼ kạmi iạte dhirite tińińpe menetʼ kana?”

Johan 9:32

Dhạrti sirjạu khon tis hõ baṅ ańjom akana jonom kãṛã hoṛakʼ mẽtʼ jãhãeye jhicʼ akatʼa mente.

Johan 7:31

Menkhan ḍher hoṛge Jisure pạtiạuenteko menkeda, “Nui do aema hahaṛawakʼkoe kạmi kana. Mạsiye hecʼlenre noako khon hõ bạ̃ṛti hahaṛawakʼko cetʼ bae kạmiya?”

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Mathae 9:33

Jisu do bhute oḍok giḍikade khan uni hoṛ do roroṛe ehopʼena. Onate sanam hoṛ do hahaṛayenteko menkeda, “Israel disạmre nonka do ar tishõ baṅ ńelakana.”

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼkana.

2Timothi 3:4

Onko do eṛe, ṭhok ar bạḍạite phulạu akanko hoyokʼa. Isor bạgikate rij-roṅge bạ̃ṛtiko dulạṛa.

Romiko lạgitʼ Pạul Apostolakʼ ciṭhi 1:30

eṭakʼkoakʼko oktawa ar Isorko hirkhạwaea. Onko do raṅgaokʼko, usul monanko ar bạḍạiko kanako. Bedhorom kạmi lạgitʼ nawa nawa ponthako ńamtotʼeda. Onko do go-baba bebataoko kanako,

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Johan 12:45

Ar okoe ińe ńeleńkan, uni do kol akadinicʼgeye ńelekana.

Johan 6:36

Iń doń lại akawatʼpea, ńel akadińạpe menkhan enhõ ape do bape pạtiạukʼkana.

Luk 24:19

Jisu do unkine metatʼkinạ, “Cetʼ hoeakana?” Ado Nasaretren Jisu babotre hoe akanakʼkin lạiadea. Uni do nạbiye tahẽkana. Kạmire ar kathate Isor ar sanam hoṛko ṭhen daṛeanicʼe tahẽkana.

Mark 2:12

Unre uni hoṛ doe beretʼena ar acʼakʼ parkom kuṭuṅkate jotoko samaṅre bahreteye oḍok calaoena. Ar noa iạte sanamkoko hahaṛayena ar Isor sarhaokedeteko menkeda, “Nonkanakʼ do tishõ babon ńelakada.”

Mathae 21:32

ente Johan do Isorakʼ sana leka calakʼ reakʼ hor udukʼape lạgitʼe hecʼlena, ar bape pạtiạuatʼtea. Menkhan mạsul uṭhạuko ar kusmbiko doko pạtiạuatʼtaea. Ona ńelte ape do mon hõ bape ạcurleda ar uniakʼ hõ bape pạtiạuatʼtaea.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼkana ar kala hoṛko ańjomeda; gocʼ hoṛko jiwetʼ beredokʼkana ar reṅgecʼ orecʼko ṭhen do bhage sombat reakʼ katha lạiạgokʼ kana.

Johan 12:10

Unre maraṅ naekeko do Lasar hõ goje lạgitʼko goṭakeda,

Johan 9:41

Jisui metatʼkoa, “Kãṛãpe tahen khan honaṅ kại do oho tahẽlen tapea. Menkhan apepe meneda ńeńel kangeale ar onatege apeakʼ kại do tahen kana.

Johan 15:21

Onko do iń iạteko onkapea, ente iń okoeye kolakadiń uni do bako baḍaeyedekana.

Johan 15:22

“Iń aloń hecʼlen khan ar bạń galmaraoako khan onko do ohoko dusikokʼa; menkhan ńitokʼ do kại reakʼ jãhãn ạnḍuṅge bạnukʼtakoa.

Johan 15:23

Okoe ińe kurudạń uni do ińren Babageye kurudae kana.

Johan 16:9

Uni do kại reaṅ hõ cehaonae emakoa, ente hoṛko do ińre bako pạtiạukʼ kana;