Johan 15:22 - Santali Common Language New Testament

²² “Iń aloń hecʼlen khan ar bạń galmaraoako khan onko do ohoko dusikokʼa; menkhan ńitokʼ do kại reakʼ jãhãn ạnḍuṅge bạnukʼtakoa.

সান্তালী বাইবেল

²² “Iń aloń hecʼlen khan ar bạń galmaraoako khan onko do ohoko dusikokʼa; menkhan ńitokʼ do kại reakʼ jãhãn ạnḍuṅge bạnukʼtakoa.

Johan 15:22 Referans Kwoze

Johan 9:41

Jisui metatʼkoa, “Kãṛãpe tahen khan honaṅ kại do oho tahẽlen tapea. Menkhan apepe meneda ńeńel kangeale ar onatege apeakʼ kại do tahen kana.

Jakob 4:17

Onate bhage kạmi baḍaekate hõ okoe bae kạmi uni doe kạiyeda.

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniakʼ jaejug reakʼ daṛe ar uniakʼ Isortetʼ do sirjon reakʼ etohopʼ khonge pusṭạute sodorgea. Uniakʼ sirjon khonge manwa do bes okocʼte onako ńel oromeda arko bujhạu daṛeakʼ kana. Niạ tayom manwakoakʼ do ar jãhãn ạnḍuṅteakʼ baṅ tahena.

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

1 Patras 2:16

Sạdhin hoṛko leka jion khemaope, menkhan dusṭạmi dapal lạgitʼ ona sạdhintetʼ do alope beohara. Ona bodolte Isorren golamko leka jion khemaope.

Romiko lạgitʼ Pạul Apostolakʼ ciṭhi 2:1

Jãhãege noa iạte eṭakʼkoe dusiko enḍekhan uniń metaea, amakʼ ạnḍuṅteakʼ do okortam? Am do eṭakʼkom dusiyetʼkore apnarge cetʼ dusi mente bam sạbudokʼ kana? Ente eṭakʼko dom dusiyetʼkoa menkhan am do onagem kạmikana.

Luk 12:46

Enḍekhan okaṭakʼ din ar okaṭakʼ ghuṛi reakʼ katha bae hudisetʼkan, ona din ar ona ghuṛirege acʼren kisạ̃ṛ doe hijukʼa. Are makʼ paṛagea ar bepạtiạrko tulucʼ jaegae ṭhikaea.

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniakʼ kại do ḍhergetaea.”

Johan 15:23

Okoe ińe kurudạń uni do ińren Babageye kurudae kana.

Johan 15:24

Okako kạmi okoe tisge bako kạmiakatʼ onako kạmi onko samaṅre bạń kạmi lekhan onkoakʼ dos do oho hoekokʼa. Menkhan ńitokʼ onko do iń ar ińren Baba hõko ńelakadea arko kurud ạliń kana.

Johan 16:9

Uni do kại reaṅ hõ cehaonae emakoa, ente hoṛko do ińre bako pạtiạukʼ kana;