Johan 1:51 - Santali Common Language New Testament

⁵¹ Jisui menkeda, “Sạrigeń metapekana, serma jhicʼ akanpe ńela ar Isorren goḍetko do Manwa Hopon ṭhen pheḍ hijukʼ ar rakapʼ calakʼkanpe ńelkoa.”

সান্তালী বাইবেল

⁵¹ Jisui menkeda, “Sạrigeń metapekana, serma jhicʼ akanpe ńela ar Isorren goḍetko do Manwa Hopon ṭhen pheḍ hijukʼ ar rakapʼ calakʼkanpe ńelkoa.”

Johan 1:51 Referans Kwoze

Aposkạmi 7:56

“Ńelpe, iń do serma jhicʼ akan ar Manwa Hopon Isorakʼ jojomsa aṛere teṅgo akaniń ńelekana.”

Luk 22:43

Unre serma khon mitʼṭen goḍet do hecʼkate Jisui daṛe ocokedea.

Luk 2:13

Ar ackage uni serma goḍet soṅgete arhõ aema goḍetko ńelena. Onko do Isor sarhaoate memenko ehopʼena,

Mark 14:62

Jisui menkeda, “Uni kangeạń. Ar ape do Manwa Hopon sanam daṛeanicʼ Isorakʼ jojomsa aṛere duṛupʼ akan ar rimilte hijukʼkanpe ńelea.”

Mark 1:10

Ar dakʼ khone rakapʼtʼen são sãote Jisu do serma oṛejokʼkan ar sonot Jiu parwa leka acʼ cetanre pheḍ hijukʼkane ńelkedea.

Mathae 3:16

Ado Jisu bạptiskate dakʼ khone rakapʼen sãote sãote uni samaṅre serma do jhicʼena. Ar Isorren sonot Jiu do parwa leka acʼ cetanre pheḍ hijukʼkane ńelkedea.

Aposkạmi 10:11

Unre uni do serma jhicʼakan ar maraṅ mitʼṭen cador leka pon konare sapʼakatʼ otre pheḍ hijukʼkane ńelkeda.

Luk 3:21

Ado okoeko hoṛ Johan ṭhenko hecʼakan tahẽkan onko bạptismako ataṅetʼ tahẽkanre Jisu hõe bạptis ocoyena. Bạptisma tayom Jisu do tinreye koejoṅkan tahẽkana unre serma do jhicʼena.

Mathae 4:11

Unre Soetan do Jisu bạgiadeteye calaoena, ar sermaren goḍetko hecʼkate uniko sapʼsoradea.

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.

Johan sodor 4:1

Noa tayom iń do serma reakʼ mitʼṭen duạr jhicʼ akatʼiń ńelkeda. Ar siṅgạ reakʼ saḍe leka okoeakʼ aṛaṅiń ańjomletʼ uni doe metadińạ, “Am do nonḍe rakapʼ hijukʼme. Ar noako tayom oka hoyokʼ lạgidokʼkan onań udukʼama.”

2 Thessalonikiko 1:7

ar ape okoe do dukpe ńametʼ uni do ale sãoteye aosanpea. Probhu Jisu do tinre acʼren daṛean serma goḍetko sãote jolokʼkan seṅgelre serma khone sodorokʼa unrege noako do hoyokʼa. Okoe Isor bako baḍae akade ar Probhu Jisu reaṅ bhage sombat reakʼ katha bako bataoetʼkan unre uni do onkoe sạjạikoa.

Luk 2:9

Unre ackage Probhuren mitʼṭen serma goḍet do onko samaṅreye teṅgoyena. Ar uniakʼ ṭhonok do onko beṛhaete bamberena. Onate gupiko do ạḍiko botorena.

Ibriko 1:14

Serma goḍetko do cetʼ sanamkoge sapʼ sosor Jiuko doko baṅkana? Okoe kại khon bańcaoko ńam onko sapʼ sorako lạgitʼge coṅ onko mako kol ocoakan.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Johan 10:1

“Sạrigeń metape kana, jãhãege bhiḍi khạṛ reakʼ duạrte baṅ bolokate eṭakʼ secʼteye bolokʼ uni do kombṛo are ḍạku kana.

Luk 22:69

Menkhan Manwa Hopon do ńit khon sanam daṛeanicʼ Isorakʼ jojomsa aṛere duṛupʼ akane tahena.”

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Jihudạwakʼ ciṭhi 1:14

Adam bõsren eaeyicʼ metakʼme Enok hõ noko hoṛko reaṅ nạbiletʼteye menleda, “Ńelepe, Probhu do acʼren hajar hajar sonot goḍetkoante sanamko bicạrko lạgitʼe hijukʼ kana,

2 Thessalonikiko 1:9

Probhu tinreye hijukʼa unre nonkae sạjạikoa one onate onko do uniakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre acʼren hoṛko hotete acʼakʼ ṭhonok sodorokʼa ar okoeko pạtiạu akan onko sanamko hotete uniakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Johan 14:12

“Sạrigeń metapekana, okoe ińreye pạtiạukʼkan uni do iń okakoń kạmikan uni hõ onakoe kạmiya. Ar Baba ṭheniń calakʼkante uni do noako khon arhõ maraṅ maraṅakʼkoe kạmiya.

Johan 6:47

Sạrigeń metapekana, jãhãege ińreye pạtiạukʼ uni do unrege jaejug jione ńama.”

Luk 24:4

Ar hahaṛakʼ tulucʼ ona reaṅko hudisetʼkan tahẽkanre bijli leka pĩṛĩtʼ pĩṛĩtʼ kicricʼ horokʼ akatʼ bar hoṛ onko samaṅre hecʼkatekin teṅgoyena.

Mathae 26:24

Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoekokʼtaea.”

Johan 21:18

Sạrigeń metamkana, juạnem tahẽkanre amtem paṭhekʼkan tahẽkana ar jãhãtege sanayetʼme tahẽkan onḍegem calakʼkan tahẽkana. Menkhanem haṛamlenre am do amakʼ tim tiạr tama ar eṭagicʼ do ame tolmea ar okare calakʼ baṅ saname onḍegeye idimea.”

Johan 8:51

Sạrigeń metapekana, jãhãege ińakʼ katha leka senokʼe menjoṅ enḍekhan uni do tis hõ bae gujukʼa.”

Johan 6:32

Jisu do onkoe metatʼkoa, “Sạrigeń metapekana, serma khon oka piṭhạpe ńamletʼ ona do Mose hõ bae emakatʼpea, menkhan ińren Babage sạri piṭhạ serma khone emapekana.

Johan 3:5

Jisui menkeda, “Sạrigeń metamkana, dakʼ ar sonot Jiu khon bae janamlen khan okoe hõ Isorakʼ rajte ohoe bolo daṛelena.

Johan 16:20

Sạrigeń metapekana, ape dope rakʼjoṅa arpe hae haeokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Johan 13:16

Sạrigeń metapekana, guti do acʼren kisạ̃ṛ khon bae maraṅa. Ar kol ocoyicʼ hõ kokolicʼ khon bae maraṅa.

Johan 10:7

Onate Jisu do arhõe metatʼkoa, “Sạrigeń metape kana, ińkangeạń bhiḍiko reakʼ duạr do.

Johan 6:53

Jisui metatʼkoa, “Sạrigeń metapekana, Manwa Hoponakʼ jel bape jomle khan ar uniakʼ mãyãm bape ńule khan apere jion do bạnukʼanaṅ.

Johan 5:27

Baba do manwa bicạrko lạgitʼ ektiạri Hopone emakawadea, ente uni doe Manwa Hopon kana.

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Johan 3:3

Jisu do Nikodemuse metadea, “Sạrigeń metam kana, jãhãe hoṛ dosar karte bae janamlen khan Isorakʼ raj do ohoe ńel daṛelea.”

Mathae 9:6

Menkhan ape jemonpe baḍae daṛeakʼ Manwa Hopon do dhạrtire kại ikạ reakʼ ektiạri menakʼtaea.” Ado noa menkate mitʼ kaṛ gocʼ rog hoṛe metadea, “Ma beretʼme, amakʼ parkom kuṭuṅtam ar oṛakʼte calakʼme.”

Mathae 8:20

Jisu do uniye metadea, “Toyokoakʼ do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hoponakʼ do bohokʼ dohoetae lạgitʼ jaega hõ bạnukʼtaea.”

Johan 16:23

Enhilokʼ ape do cetʼge bape kuliyińạ. Sạrigeń metapekana, iń ńutumte Baba ṭhen jãhãnakʼgepe koe uni do onae emapea.

Johan 13:38

Unre Jisui menkeda, “Iń lạgitʼ cetʼ jiwim alaetama? Sạrigeń metam kana, sim sạnḍi ạuriye ragre am do pe dhaoem baṅeńa.

Johan 8:58

Menkhan Jisui metatʼkoa, “Sạrigeń metapekana, iń do Abraham ạuriye janamokʼ khonge minạńạ.” Noa katha ańjomkate mukhiạko do Jisu tińe lạgitʼ dhiriko halaṅkeda. Menkhan Jisu do apnartetʼe danaṅente mundil khone oḍok calaoena.

Johan 8:34

Jisui roṛ ruạṛatʼkoa, “Sạrigeń metapekana, okoe kạireko tahenkan onko sanamkoge kạiren golam kanako.

Johan 6:26

Jisui roṛ ruạṛatʼkoa, “Sạrigeń metapekana, hahaṛa kạmipe ńelletʼ iạtepe ńam baṛayediń kana ona do baṅ, bickom piṭhạkotepe jom bilen iạtepe ńam baṛayedińa.

Johan 1:50

Jisu do uniye metadea, “Loa dare buṭạreń ńelletʼme reakʼ kathań metatʼme iạtem pạtiạukʼ kana? Noa khon arhõ aema daṛeakʼkom ńela.”