Johan 1:44 - Santali Common Language New Testament

⁴⁴ Philip do Bethsaeda atoren hoṛe tahẽkana, Andreas ar Patras hõ ona atorengekin tahẽkana.

সান্তালী বাইবেল

⁴⁴ Philip do Bethsaeda atoren hoṛe tahẽkana, Andreas ar Patras hõ ona atorengekin tahẽkana.

Johan 1:44 Referans Kwoze

Johan 12:21

Onko do Philip ṭhen hecʼkate nehõradeteko metadea, “E baba ale do Jisule ńelea.” Philip do Gạlil reakʼ Bethsaeda atoren hoṛe tahẽkana.

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoeakan, ona do Tur ar Sidon reakʼ nagrahare hoelen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Luk 10:13

“Hae am do E Khorasin! Hae am do E Bethsaeda! Okako hahaṛa kạmi aben talare hoeakan, ona do Tur ar Sidon nagrahare hoelen khan, enḍekhan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Luk 9:10

Ado oneye kolletʼko celakoko ruạṛ hecʼen khan cetʼ cetʼko kạmiketʼ ona joto do Jisuko lạiadea. Unre Jisu doe soṅgeketʼkote Bethsaeda sor mitʼṭen nisun jaegateye senena.

Mark 8:22

Jisu ar acʼren celako do Bethsaeda atoteko calaoena. Ar onḍe mitʼṭen kãṛã hoṛ Jisu ṭhenko ạgukedea ar joṭedea menteko nehõradea.

Mark 6:45

Ona tayom Jisu do celako usạrae lạgitʼe metatʼkoa, jemon onko do lạukạre decʼkate doreão hanasako paromokʼte Bethsaeda atoteko calao hataṛokʼ, ar acʼ do gadel hoṛ bidạkoe ehopʼena.

Mark 3:18

Andreas, Philip, Bartholomae, Mathae, Thoma, Alphaeren hopon Jakob, Thaddae, ar moullobadi Simon,

Mathae 10:3

Thoma ar mạsul-uṭhạuicʼ Mathae; Alphaeren hopon Jakob ar Thaddae;

Aposkạmi 1:13

Ado nagrahateko boloyen khan onko do oka koṭha kandhareko tahẽkan onḍeko rakapʼena. Noko celakoakʼ ńutum do Patras, Johan, Jakob ar Andreas, Philip ar Thoma, Bartholomae ar Mathae, Alphaeren hopon Jakob ar moulobadi Simon ar Jakobren hopon Jihudạ.

Luk 6:14

Onko doko hoyokʼkana Simon, okoe do Patrase ńutumkede; Simonren boeha Andreas; Jakob ar Johan; Philip ar Bartholomae;

Johan 1:43

Dosar hilokʼ Jisu do Gạlil Prodeshte calakʼe goṭawana. Un jokhecʼ Philipe ńelkede khan uniye metadea, “Dela pańjayińme ar ińren cela hoyokʼme.”

Johan 1:45

Philip do Nathanaele sendra ńamkedeteye metadea, “Mose do okoeakʼ katha ạn-ạrikoreye ol oṭo akatʼ ar nạbiko hõ okoe reaṅko olakatʼ uni do alele ńam akadea. Uni do Nasareth atoren Josephren hopon Jisu kanae.”

Johan 1:46

Nathanael do Philipe metadea, “Nasaret khon do cetʼ jãhãn bhageakʼ hecʼ daṛekokʼa? Philip do uniye metadea, “Dela hijukʼte ńeleme.”

Johan 1:48

Nathanael do Jisui kulikedea, “Cekate iń dom oromkedińa?” Jisui roṛ ruạṛadea, “Philip ạuriye hohoamre, loa dare buṭạrem tahẽkanreń ńelletʼmea.”

Johan 6:5

Ado Jisui beṅgetʼ rakapʼketʼ khan gadel hoṛ acʼ ṭhen hijukʼkane ńelketʼkoa. Uni do Philipe metadea, “Noko hoṛ jom ocoko lạgitʼ piṭhạ do oka khon bon kiriń ạgukea?”

Johan 6:7

Philip do Jisui metadea, “Onko mimitʼ hoṛ jauḍicʼkateko ńamlere hõ bar sae Dinar reakʼ piṭhạte hõ ohoko anṭaolena.”

Johan 12:22

Ar Philip do senkate Andrease lạiadea Ar Andreas ar Philip do senkate Jisukin metadea.