Johan 1:29 - Santali Common Language New Testament

²⁹ Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

সান্তালী বাইবেল

²⁹ Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Johan 1:29 Referans Kwoze

1 Johan 2:2

Aboakʼ kạiko ocokʼgiḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.

1 Johan 3:5

Baḍaegeape, aboakʼ kạiko meṭao giḍikakʼ lạgitʼge Mạsi doe sodorlena. Mạsire do jãhãn kại bạnukʼ anaṅ. Okoe Mạsireko tahenkan onko do kạire bako tahenkana.

1 Patras 1:19

ape dope kiriń chaḍao akana niphuṭ ar bedag Bheḍa Hopon Jisu Mạsiakʼ mãyãmte.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoe ocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

1 Patras 2:24

Krus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼ kate Isorakʼ monejoṅ leka senakʼ lạgitʼbon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Johan sodor 6:1

Bheḍa Hopon do ona eae goṭecʼ mohor chapko reakʼ pạhilakʼe raṛaketʼ khan iń ńelkeda; onko ponea jiwiyanko modren mitʼṭen do huḍur reakʼ aṛaṅ leka roroṛkaniń ańjomkedea, “Dela hijukʼme.” Unre mitʼṭen ponḍ sadomiń ńel ńamkedea.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyana are chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Johan 1:36

Unre Jisui dãṛã baṛaekan tahẽkanre Johane menkeda, “Hạni ńele ben, Isorren Bheḍa Hopon.”

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”

Aposkạmi 8:32

Uni kạmiạyicʼ do sonot sostor khon okae paṛhaoetʼ tahẽkan ona do noage; bheḍa do jabeye lạgitʼ cetʼlekae idi ocokʼ onkage uni doe idi ocoyena. Kạpciyicʼ samaṅre bhiḍi hopon cetʼleka thir akane tahen, onkage uni do moca bae jhicʼletʼtaea.

Johan sodor 17:14

Onko do Bheḍa Hopon birudreko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtren raj, tinạkʼ dhorom ar sạriakʼgea amakʼ horko do!

Johan sodor 14:1

Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Johan sodor 19:9

Ona tayom uni serma goḍet doe metadińạ, “Noa katha olme, Bheḍa Hoponakʼ bapla bhojre okoekoko neota ocoakan onko doko bhạgangea.” Uni do noa katha hõe menkeda, “Noako do Isorakʼ katha kana, ar ona do sạrigea.”

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan 3:16

“Isor do manwa nunạkʼe dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Johan sodor 19:7

Ar dela, kusite bon rạskạkʼma ar uni bon sarhaoea, ente Bheḍa Hoponakʼ baplakʼ reakʼ ghuṛi do seṭerena ar uniren bạhu doe sapṛao akana.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Johan sodor 5:8

Ar puthiye hataoketʼ khan onko ponea jiwiyanko ar bargel pon murubiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼlena, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 21:9

Ar okoe eae goṭecʼ serma goḍetkoakʼ tire mucạtʼ eae goṭecʼ dukte perecʼ bạṭi tahẽkan onko modren mitʼ hoṛ do iń ṭhen hecʼkateye menkeda, “Dela hijukʼme, bạhu kuṛiń udukʼama, metakʼme Bheḍa Hoponren bạhuń udukʼama.”

Johan sodor 6:16

Onko do buruko ar dhirikoko metatʼa, “De ale cetanre bhindạṛokʼpe ar ona siṅghasonreye duṛupʼakan, uniakʼ mẽtʼãhã samaṅ khon ar Bheḍa Hoponakʼ edre khon oko dohokalepe,

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan okoe hoṛge onḍe do bako bolo daṛeakʼa; ar okoeakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

1 Johan 4:10

Isor do aboge bon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.

1Timothi 2:6

Uni do sanam manwako chaḍaoko reakʼ dam lekate acʼakʼ jiwigeye emena. Isore ṭhik dohoakatʼ oktere ona reaṅ goha do em akana,

1 Korinthiko 15:3

Ente okaṭakʼ iń ńamakatʼ ona do sanam khon jạruṛanakʼ mente ape hõń emakatʼpea; ona do hoyokʼ kana sonot sostor reakʼ katha leka Mạsi do aboakʼ kại gunạkʼteye gocʼlena,

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi uṭạr hoṛko bodolte chaḍao reakʼ dam menkate acʼakʼ jiwi emokʼgeye hecʼakana.”

Johan sodor 5:6

Ponea jiwiyanko ar murubiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekanko bańcaoko lạgitʼgeye hijukʼa.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwiye emkeda, jemon noa bạṛicʼ piṛhirenko khone rukhiyạ bon.

Aposkạmi 13:39

Ape do Moseakʼ ạn-ạri hotete kại reakʼ sạjại khon bape rukhiyạu akana, menkhan jãhãege Jisureye pạtiạukʼ, uni do kại reakʼ sạjại khon bańcaoe ńama.

Mathae 1:21

Ar am do uniakʼ ńutum Jisum dohoetaea, ente uni do acʼren hoṛko akoakʼ kại khone bańcaokoa.”

Johan sodor 21:14

Ona nagraha reakʼ pạcrire gelbar goṭecʼ rehetʼ tahẽkana ar onako cetanre Bheḍa Hoponren gelbar goṭen apostolkoakʼ gelbar goṭecʼ ńutum tahẽkana.

Ibriko 2:17

Onate Jisu do sanam secʼte acʼren boehako leka hoyokʼ hoelentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Johan 1:35

Dosar hilokʼ Johan ar acʼren barea cela do arhõ onḍekin tahẽkana.

Johan 1:43

Dosar hilokʼ Jisu do Gạlil Prodeshte calakʼe goṭawana. Un jokhecʼ Philipe ńelkede khan uniye metadea, “Dela pańjayińme ar ińren cela hoyokʼme.”

Johan 2:1

Niạ bar din tayom Gạlil reakʼ Kana nagrahare mitʼṭen bapla hoyena. Ar Jisuren eṅgat hõ onḍeye tahẽkana.

Johan 4:42

Onko do uni maejiuko metadea, “Ńitokʼ do eken amakʼ katha iạtele pạtiạukʼ kana ona do baṅ, menkhan uniakʼ katha ańjomkatele bujhạu daṛeakʼ kana, sạrige uni do manwakoren babańcaoicʼ kanae.”

Johan 6:51

Ińge ona jiwetʼ reakʼ piṭhạ oka do serma khon pheḍ hecʼakan. Ar okoe noa piṭhại jom uni do jaejug hạbicʼ jione ńama. Ińakʼ hoṛmoge ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”