Jakob 2:21 - Santali Common Language New Testament

²¹ Aboren hapṛam Abraham do acʼren hopon Isạhak pinḍreye dãṛẽyede tahẽkanre ona kạmi lạgitʼ cetʼ uni do dhorom mente bae aṅgoclena?

সান্তালী বাইবেল

²¹ Aboren hapṛam Abraham do acʼren hopon Isạhak pinḍreye dãṛẽyede tahẽkanre ona kạmi lạgitʼ cetʼ uni do dhorom mente bae aṅgoclena?

Jakob 2:21 Referans Kwoze

Johan 8:39

Onate onko Jihudi mukhiạko do Jisuko metadea, “Abraham doe aleren baba kana.” Jisui metatʼkoa, “Ape do Abrahamren hoponkope hoelen khan Abraham lekagepe kạmikea.

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạu akana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Mathae 12:37

Amakʼ kathatege am do bin dusạnicʼ mentem ṭarhaokʼa ar amakʼ kathategem dusi ocokʼa.”

Jakob 2:24

Enḍekhanpe ńeleda, eken biswạstege Isor do manwa dhorom menteye aṅgocea ona do baṅ, menkhan biswạs ar kạmi noa banar iạtege Isor do manwa dhorom menteye aṅgocedea.

Jakob 2:18

Jãhãeko mendaṛekea, “Am do biswạs menakʼtama ar ińakʼ do kạmiko menakʼtińạ.” Kạmiko begorte amakʼ biswạs udukʼạńme ar iń do kạmi hotete ińakʼ biswạiń udukʼama.

Romiko lạgitʼ Pạul Apostolakʼ ciṭhi 4:12

Ona chaḍa, khatnakʼ lahare Abraham do cetʼleka biswạs reakʼ horreye taṛametʼ tahẽkan, onkage khatna akan okoe doko calakʼkan onkoren hõ Abraham doe baba kana.

Romiko lạgitʼ Pạul Apostolakʼ ciṭhi 4:1

Enḍekhan aboren mare hapṛam Abraham reaṅ do cetʼ bon menkea? Noa babotre uni do cetʼe ńelleda?

Romiko lạgitʼ Pạul Apostolakʼ ciṭhi 3:20

Ạn-ạri manao lekhange Isor do manwa dhorom menteye ataṅkoa ona do baṅ, menkhan ạn hotetege manwa do acʼakʼ kại reaṅ cehaonae ńameda.

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

Johan 8:53

Uni mae gocʼenge ar nạbiko hõko gocʼena. Am do apnarte celeyem benaokʼ kana?”

Luk 16:30

“Uni kisạ̃ṛ hoṛe menkeda, ‘baṅa, E baba Abraham, gocʼko khon jãhãege onko ṭhene calaolen khan onko do kại khon monko ạcurtakoa.’

Luk 16:24

Unre uni do ãṭ aṛaṅte hohoateye menkeda, ‘E baba Abraham, dayawạńme baṛe. Ar Lasar iń ṭhen kolkaeme jemon uni do acʼakʼ coṭ kạṭupʼ dakʼre topokate ińakʼ alaṅe reaṛkạtiń. Ente noa jolokʼ seṅgelreń jal jalaokʼ kana.’

Luk 1:73

Ona gokʼakʼ do aboren mare hapṛam Abraham ṭhene kiriyạlena.

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

Ibriko 11:17

Abraham do biḍạu ocokʼ jokhecʼ Isorre pạtiạu iạtege Isahak doe samaṅledea. Okoe ṭhen Isore gokʼ akatʼ tahẽkan unige acʼren sadher hopon dãṛẽye lạgitʼe samaṅedekan tahẽkana.