Jakob 2:20 - Santali Common Language New Testament

²⁰ E lelha! Kạmi begor biswạs je gocʼge ona reakʼ cetʼ cinhạm khojkana?

সান্তালী বাইবেল

²⁰ E lelha! Kạmi begor biswạs je gocʼgetam ona reakʼ do cetʼ cinhạm khojkana?

Jakob 2:20 Referans Kwoze

Jakob 2:26

Jiwi begor hoṛmo cetʼleka gocʼge onkage kạmi begor biswạs hõ gocʼgea.

Jakob 2:17

Ṭhik onkage, okaṭakʼ biswạs sãote kạmi reakʼ jopoṛao bạnukʼ ona biswạs do gocʼgea.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiakʼena ar onkoakʼ bebuj ontor do ńutte perecʼ akana.

Galathiko lạgitʼ Pạul Apostolakʼ ciṭhi 6:3

Jãhãe jãhãnicʼe baṅkanre hõ apnartetʼ jãhãnicʼ menteye hudisokʼkan khan uni do apnartegeye bulạukʼ kana.

Jakob 1:26

Okoe apnarte dhorome hudisokʼkan menkhan acʼakʼ alaṅ bae sambṛao daṛeakʼ uni do apnargeye bulạukʼkana. Ar uniakʼ dhorom korom do ạuṛiakʼgetaea.

Titus lạgitʼ Pạul Apostolakʼ ciṭhi 1:10

Nonkan ḍher hoṛ menakʼkoa okoe do bin gobol ar bokbokaokʼ arko bulạukokan. Okoe do khatnakʼre jorko emetʼkan, iń do nonkanko hoṛakʼ kathageń meneda.

1Timothi 1:6

Adom hoṛ do noako khon ocokʼkate ạuṛi sạuṛi roṛ baṛae secʼgeko ghańjeṛ akana.

Kolossiko lạgitʼ Pạul Apostolakʼ ciṭhi 2:8

Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsirenkan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Romiko lạgitʼ Pạul Apostolakʼ ciṭhi 3:28

ente bon baḍaegea, Isor do biswạs hotete manwa do dhorom menteye ataṅea, menkhan ạn-ạriko manaote do baṅ.

Romiko lạgitʼ Pạul Apostolakʼ ciṭhi 9:20

Enḍekhaniń menkea, E manwa; am dom celekante Isor upạrtem roṛ ruạṛetʼkana? Jãhãe hoṛ mitʼṭecʼ jinise benao khan, enḍekhan ona benaoakʼ jinis do cetʼ uniye kuli daṛekea, “Cedakʼ nonka dom benao kedeńa?”