Jakob 1:6 - Santali Common Language New Testament

⁶ Menkhan begor digdhạte pạtiạukʼ salakʼ koejoṅ hoyokʼtaea, ente okoeye digdhạkʼ uni do hoete sokojokʼkan jalapuri reakʼ ḍheo lekanae; hoege uni doe ṭhelao idiyea.

সান্তালী বাইবেল

⁶ Menkhan uni hoṛ do begor digdhạte pạtiạukʼ salakʼ koejoṅ hoyokʼtaea, ente okoeye digdhạkʼ uni do hoete sokojokʼkan jalapuri reakʼ ḍheoko lekanae; hoege uni doe ṭhelao idiyea.

Jakob 1:6 Referans Kwoze

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniakʼ katha leka calakʼko do uniakʼ ti khon kuṛạiko ńama.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Ibriko 10:23

Biswạs lekate aboakʼ oka as menakʼ, onate dela, kajakte uniakʼ katha bon aṅgoc ma, ente okoeye gokʼ akatʼ uni doe pạtiạrgea.

Ibriko 13:9

Aema lekan nawa nawa cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoelentakoa.

1Timothi 2:8

Ińakʼ monejoṅakʼ do noage herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

2 Patras 2:17

Noko hoṛ do rohoṛokʼkan jharna ar hoete oṭanokʼkan kuṛhạ lekanako. Noko lạgitʼ do kaṛaṅ kucạṅ ńut dohoakana.

Mathae 14:28

Patrase roṛ ruạṛadea, “E Probhu, am kan khanem enḍekhan dakʼ cetante am ṭhen calakʼ hukumạńme.”

Aposkạmi 10:20

Ma beretʼkate latarte pheḍokʼme. Ar jãhãnakʼ begor digdhạte onko soṅgete calakʼme, ente ińge onko doń kolakatʼkoa.”

Jakob 1:7

Nonkan hoṛ do Probhu ṭhen khon jãhãnakʼe ńama mente aloe asokʼma.

Jakob 5:15

Ar pạtiạuteakʼ koejoṅ do uni ruạkʼkan hoṛe bogeyea; Probhuge uni doe bogeyea. Ar uniye kại akatʼ khan Isor do uniye ikạyea.