Ibriko 9:11 - Santali Common Language New Testament

¹¹ Menkhan Mạsi do darakan joto bhageakʼren maraṅ naeke lekategeye hecʼlena. Uni do artetʼ bhage ar artetʼ mońj sewa tạmbure Isorakʼ sewa lạgitʼgeye hecʼlena. Noa tạmbu do manwa tite benaowakʼ do baṅkana, metakʼme ona do dhạrti reakʼ jãhãn jinis hõ baṅkana.

সান্তালী বাইবেল

¹¹ Menkhan Mạsi do darakan joto bhageakʼren maraṅ naeke lekategeye hecʼlena. Uni do artetʼ bhage ar artetʼ mońj sewa tạmbure Isorakʼ sewa lạgitʼgeye hecʼlena. Noa tạmbu do manwa tite benaowakʼ do baṅkana, metakʼme ona do dhạrti reakʼ jãhãn jinis hõ baṅkana.

Ibriko 9:11 Referans Kwoze

2 Korinthiko 5:1

Baḍaegeabon, noa dhạrtire oka kumbạ oṛakʼre bon tahenkan metakʼme, oka nijor hoṛmowante menakʼbon ona rạputʼlenre hõ aboakʼ do Isor emakʼ mitʼṭen oṛakʼ menakʼ tabona. Ona oṛakʼ do manwa tite benaoakʼ baṅkana, ona do jaejug khonge sermare menakʼa.

Ibriko 10:1

Ạn-ạrikore menakʼakʼko do darakan sanam bhageakʼko reaṅ umulkana; onare sạriakʼ reakʼ maraṅteakʼko do bạnukʼa. Onate okoe Isor sewa lạgitʼko hijukʼkan onko do ạn-ạrikote tishõ bochor ke bochor mitʼ lekan janwar dãṛẽte ohoe sạbit oco daṛelekoa.

Mark 14:58

“Ale do roroṛle ańjomakadea, ‘Iń do manwa benaoakʼ noa mundil iń dhaṅ dhasera ar pe dinte nonkan mitʼṭen mundil iń benaoa okaṭakʼ do manwa tite benaoakʼ baṅkan.’ ”

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Ibriko 2:17

Onate Jisu do sanam secʼte acʼren boehako leka hoyokʼ hoelentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Aposkạmi 7:48

“Menkhan maraṅ Isor do manwakoakʼ benaoakʼ oṛakʼre bae tahenkana. Nạbiye menetʼ leka,

2 Johan 1:7

Dhạrtire nonkan aema hoṛko oḍok akana okoe doko bulạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniakʼ hohoakʼren bakhradarkope hoeakan, ape do Jisu reaṅ moneakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Johan 4:25

Unre uni maejiue menkeda, “Baḍaegeạń, Mạsi, okoe do Krisṭko metaekan uni doe darae kana. Are hecʼlenre sanamakʼe baḍae ocobona.”

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniakʼ oka ṭhonok menakʼ ona do alele ńelakada. Uni do daya ar sạriakʼteye perecʼgea.

Ibriko 7:1

Nui Melkisedek do Salemren raj ar maraṅ Isorren naekeye tahẽkana. Abraham do tinre rapajko bhagao kateye ruạṛ hijukʼkan tahẽkana unre nui Melkisedek tulucʼe ńapamlena. Ar Melkisedek do Abrahame bhorade tahẽkana,

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Kolossiko lạgitʼ Pạul Apostolakʼ ciṭhi 2:11

Ona chaḍa ape do Mạsi tulucʼpe kolom mitʼakante khatna hõpe khatna ocoakana. Jãhãe manwa tite do bape khatna ocoakana, Mạsi acʼgeye khatna akatʼpea; metakʼme hoṛmore jel reakʼ oka daṛe tahẽkan ona daṛe khon uni doe chaḍao akatʼpea.

Mathae 11:3

“Okoeakʼ hijukʼ reakʼ katha menakʼtae uni dom am kangea, se eṭakʼgicʼle ńel horea?”

Mathae 2:6

‘E Jihudạ reakʼ Betlehem, am do Jihudạren ạyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtkoe ạyurko.’ ”

2 Korinthiko 4:18

Oka ńelokʼkan ona secʼ do bale beṅgetʼeda, bickom oka baṅ ńelokʼkan ona secʼgele beṅgetʼeda. Ar oka ńelokʼkan ona do eken thoṛa din lạgitʼkana, menkhan oka baṅ ńelogokʼkan ona do jaejug hạbicʼakʼ kana.

Ibriko 12:27

“Ar mitʼ dhao,” Noa banar kathate bujhạukʼ kana je, oka jinisko dal dalaokʼa, metakʼme oka sirjạu akan ona do pheraokʼa, jemon oka jinisko baṅ dal dalaokʼ onako do ṭarhao tahena.

Ibriko 13:14

ente nonḍe do jaejug hạbicʼ jãhãn nagraha bạnukʼ tabona; menkhan okaṭakʼ nagraha daraekan ona lạgitʼ bon koyokʼ horakada.