Ibriko 8:10 - Santali Common Language New Testament

¹⁰ Probhu do arhõe meneda, “Iń do Israelko lạgitʼ noa bondobos iń dohoea. Ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoea. Iń do onkoren Isoriń hoyokʼa, ar onko do ińren hoṛgeko hoyokʼa.

সান্তালী বাইবেল

¹⁰ Probhu Isor do arhõe meneda, “Iń do Israelko lạgitʼ noa bondobos iń bandhaoa. Ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa, ar onko do ińren hoṛgeko hoyokʼa.

Ibriko 8:10 Referans Kwoze

2 Korinthiko 3:3

Apege Mạsiakʼ ciṭhi ar aleakʼ kạmiko reakʼ jo kanpe ona do pusṭạute ńelogokʼ kana. Noa ciṭhi kạlite olakʼ do baṅkana bickom jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwa ontorrege olakana.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạt kanape ar uniren hoṛpe hoeakana,” Ńut khon acʼakʼ hahaṛa marsalte okoeye hoho ạguketʼpe unige jemonpe sarhao sereńae.

Romiko lạgitʼ Pạul Apostolakʼ ciṭhi 11:27

Iń do tinre onkoakʼ kạikoń meṭao giḍiya unre onko tulucʼ noage ińakʼ bondobos do hoyokʼa.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janamakana, bickom okaṭakʼ itạ tis hõ baṅ maraokʼ ona khongepe janamakana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

Jakob 1:18

Acʼakʼ nij sanate sạriakʼ katha hotete uni do acʼren gidrạkoe hoe ocoketʼbona, jemon uniakʼ sirjonre pạhil utạrakʼ jo bon hoyokʼ.

Mathae 22:32

Onare olakana, ‘Ińge Abrahamren Isor, Isạhakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Ibriko 11:16

Menkhan onko do arhõ bhage mitʼṭen disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼ do onkoren Isor mente ńumogokʼ bae lajaokʼ kana, ente uni do onko lạgitʼge mitʼṭen nagrahae tear akatʼ tahẽkana.

1 Korinthiko 6:16

Se bape baḍaea, kusmbire jamaṛ akanicʼ do uni tulucʼe mitʼ hoṛmokʼ kana mente? Ente sostorre olakana, “Unkin dokin mitʼ hoṛmokʼa.”