Ibriko 7:25 - Santali Common Language New Testament

²⁵ Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

সান্তালী বাইবেল

²⁵ Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Ibriko 7:25 Referans Kwoze

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

1Timothi 2:5

Isor doe mitʼ goṭengea ar mitʼ goṭengeae Isor ar manwakoren dene banar renicʼ hõ. Uni doe hoyokʼ kana Jisu Mạsi.

Jihudạwakʼ ciṭhi 1:24

Eken mitʼ goṭen Isor okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeape. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahen ma. Amen.

Johan 14:6

Jisu do Thomae metadea, “Ińge hortetʼ, sạriakʼtetʼ ar jion. Iń hotete baṅkhan okoe hõ Baba ṭhen ohoko calao daṛelena.

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭer akana. Ar Isorakʼ ṭhonok ńam reakʼ asre bon rạskạkʼ kana.

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniakʼ katha leka calakʼko do uniakʼ ti khon kuṛạiko ńama.

Ephesiko lạgitʼ Pạul Apostolakʼ ciṭhi 3:20

Aboakʼ ontorre Isorakʼ oka daṛeye kạmiyetʼkan ona daṛe lekate uni do aboakʼ koejoṅ ar hudis khon hõ ạḍi bạ̃ṛtiye kạmiyeda.

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Johan 14:13

Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniakʼ koejoṅe ańjomletʼtaea.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Ibriko 7:16

Uniakʼ naeke hoyokʼ babotre bõs reaṅ do jãhãn ạnre baṅ ṭẽhaḍokʼ kana, ona do uniakʼ baṅ maraokʼ jion reakʼ daṛe cetanre ṭẽhaḍokʼkana.

Ibriko 2:18

Ar acʼge biḍạu sahaokate sasete jomletʼte uni do biḍạu ocokʼkankoe goṛo daṛeakoa.

Philipiko lạgitʼ Pạul apostolakʼ ciṭhi 3:21

Uni do aboakʼ nijorte perecʼ hoṛmoe pherao tabona ar acʼakʼ ṭhonokanakʼ hoṛmo lekae hoe ocoea. Ar oka daṛete jotowakʼko acʼakʼ gobolreye ạguyetʼkan ona daṛetege uni do noae kạmiya.

Johan 14:16

Iń do Baba ṭheniń koeapea, ar uni do jaejug hạbicʼ mitʼṭen sohotʼicʼe kolapea.

2Timothi 1:12

Ar ona iạte noako dukiń jomakada; ar enrehõ bạń lajaokʼ kana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiakʼ hijukʼ din hạbicʼ rukhiyạ lạgitʼ daṛe menakʼtaea mente.

Ibriko 7:24

Menkhan Jisu do jaejug jiwetʼ menaete uniakʼ naeke giri do tishõ baṅ pheraokʼtaea.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

Ibriko 7:8

Nonḍema gujukʼ gobolren Lewikoge gel hạṭiń reakʼ mitʼ hạṭińko hataoetʼkan; menkhan, okoe do jiwetʼge menaea mente goha emakan uni, metakʼme Melkisedekge gel hạṭiń reakʼ mitʼ hạṭińe hataoakada.

Romiko lạgitʼ Pạul Apostolakʼ ciṭhi 5:10

Abo do Isorren bạiribon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiakʼ jionte khạṭige kại khon bańcao bon ńama.

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.

Ibriko 2:9

menkhan abo do Jisu bon ńel ńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.