Ibriko 6:6 - Santali Common Language New Testament

⁶ inạ tayom Mạsi ṭhen khon pạc ruạṛ akanko arhõ nawate mon ạcurtako do beleṭecʼakʼ kangea. Noa do baṅ hoedaṛeakʼa, ente onko do Isorren Hopon arhõko krus edekana ar jotoko samaṅreko bemanot edekana.

সান্তালী বাইবেল

⁶ inạ tayom Mạsi ṭhen khon pạc ruạṛ akanko arhõ nãwãte mon ạcurtako do beleṭecʼakʼ kangea. Noa do baṅ hoedaṛeakʼa, ente onko do Isorren Hopon arhõko kurusede kana ar jotoko samaṅreko henostawae kana.

Ibriko 6:6 Referans Kwoze

2 Patras 2:21

Onko do dhorom jion reakʼ horko baḍaekan tahẽkanre hõ okaṭakʼ sonot hukum ematʼko tahẽkan ona doko bebataoleda. Noa dosare onko lạgitʼ ṭhik hor baṅ baḍaege bickom bhage tahẽkana.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạyokʼ lek kanae!

Ibriko 6:4

ente mitʼ dhao marsal ńelakat̕ko do, serma dan reakʼ sebel ar sonot Jiuakʼ elaṅko ńamakada,

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

2Timothi 2:25

Okoe uni birudreko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriakʼtetʼ reakʼ khạndritetʼ jemonko baḍae daṛeakʼ.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte krusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Mathae 19:26

Jisu do celako beṅgetʼatʼkoteye metatʼkoa, “Manwako hotete do baṅ hoedaṛeakʼa, menkhan Isor hotete do sanamakʼge hoedaṛeakʼa.”

Luk 11:48

Onate aperen hapṛamkoren gohako do apege ar onkoakʼ ona kạmiko hõ apegepe aṅgoceda. Ente onko do nạbikoko gocʼletʼkoa ar ape do onkoakʼ topakope benao aroyeda.

Ibriko 4:14

Onate dela, abon do hamesate Isorren Hopon Jisure aboakʼ pạtiạu bon aṅgoc ma, ente uni kangeae aboren maraṅ naeke, one okoe do sermare senkate ńit Isor samaṅre menae.

Ibriko 10:26

Isorakʼ sạriakʼtetʼ baḍaekate hõ dikhitege bon kại khan, enḍekhan kại ńutumte ar jãhãn dãṛẽ do bạnukʼa;