Ibriko 6:4 - Santali Common Language New Testament

⁴ ente mitʼ dhao marsal ńelakat̕ko do, serma dan reakʼ sebel ar sonot Jiuakʼ elaṅko ńamakada,

সান্তালী বাইবেল

⁴ ente mitʼ dhao marsal ńelakatʼko do, serma dan reakʼ sebel ar sonot Jiuakʼ elaṅko ńamakada,

Ibriko 6:4 Referans Kwoze

Mathae 5:13

“Ape do dhạrti reakʼ buluṅ kanape, menkhan buluṅ sabakʼlen khan cekate rahamokʼa? Ona do ar okaṭakʼ kạmirege baṅ lagaokʼa. Eken bahrete giḍikakʼ ar hoṛko lebetʼakʼ lek hoyokʼa.

Johan 15:6

Jãhãege ińre bae tahen khan uni do getʼ giḍiakatʼ ḍạr leka bahreteye giḍi ocokʼa ar ona do rohoṛokʼa. Unre ona ḍạr jarwakate seṅgelreko khadlekakʼa ar ona do lokʼa.

Ephesiko lạgitʼ Pạul Apostolakʼ ciṭhi 2:8

Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

Johan 3:27

Unre Johane roṛ ruạṛkeda, “Serma khon baṅ emlen khan okoe hõ cetʼge ohoe ńam daṛelea.

Ibriko 10:32

Laha dinko reakʼ katha disạipe. Unre marsal ńamkate ape do duk jom talate hõ teṅgo ṭak akaepe tahẽkana.

Mathae 12:45

Tayomte uni bạṛicʼ jiu do senkate acʼ khon artetʼ bạṛicʼ eae goṭen eṭakʼ jiue soṅge darajoṅa ar onḍe bolokateko mạnḍiạukʼa. Onate uni hoṛakʼ dosa do pạhil khon artetʼ bạṛicʼ hoyokʼtaea. Noa bạṛicʼ piṛhiren hoṛkoakʼ dosa hõ onkage hoyokʼtakoa.”

Galathiko lạgitʼ Pạul Apostolakʼ ciṭhi 3:2

Iń do eken ape ṭhen khon baḍae sanań kana, ạn-ạriko manaote cetʼ sonot Jiupe ńamledea, se bhage sombatre pạtiạu iạtepe ńamledea?

2Timothi 2:25

Okoe uni birudreko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriakʼtetʼ reakʼ khạndritetʼ jemonko baḍae daṛeakʼ.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

Ibriko 2:4

Ona salakʼ Isor hõ ạḍi utạr cinhạko ar hahaṛawakʼko ar daṛe kạmiko ar acʼakʼ monejoṅ leka sonot Jiuakʼ daya dankote ona reaṅ gohae emakada.

1Timothi 4:14

Manḍerren murubiko capokateko koeyatʼme tahẽkanre nạbi lekate katha roroṛ hotete okaṭakʼ dan ematʼme tahẽkan, ona daya dan do alom ḍhilạua.

Aposkạmi 11:17

Enḍekhan Probhu Jisu Mạsire bon pạtiạulenre Isor okaṭakʼ dane ematʼbon tahẽkan inạ mitʼ dange uni do onko hõe ematʼko khan iń doń celekante, Isoriń akoṭ daṛekea?”

Ephesiko lạgitʼ Pạul Apostolakʼ ciṭhi 4:7

Menkhan Mạsi cetʼlekae ṭhik dohoakatʼ ona soṅ hạṭiń lekage abo mimitʼko do daya dan bon ńamakada.

Ephesiko lạgitʼ Pạul Apostolakʼ ciṭhi 3:7

Isor do acʼakʼ maraṅ daṛete okaṭakʼe daya akadiń ona daya reakʼ dan lekate uni do bhage sombat porcar lạgitʼ kạmiye emakawạdińa.

Aposkạmi 10:45

Ar okoe Jihudi biswạsiko Patras sãoteko hecʼlen onko do be-Jihudiko cetanrehõ sonot Jiu reakʼ dan dul oḍoken ńelteko hahaṛayena.

Aposkạmi 8:20

Unre Patras do uniye metadea, “Amakʼ ṭaka do am sãotege nosṭokʼma, ente am dom hudisetʼkana Isorakʼ dan do ṭakate kirińokʼa.

Johan 6:32

Jisu do onkoe metatʼkoa, “Sạrigeń metapekana, serma khon oka piṭhạpe ńamletʼ ona do Mose hõ bae emakatʼpea, menkhan ińren Babage sạri piṭhạ serma khone emapekana.

Galathiko lạgitʼ Pạul Apostolakʼ ciṭhi 3:5

Isor do sonot Jiu cedakʼe emakatʼpea ar ape talare nunạkʼ hahaṛawakʼkoe kạmiyeda ona baṛe hudispe. Uni do cetʼ ạn-ạrikope manaoetʼkante noakoe kạmi kana, se bhage sombatrepe pạtiạu akanteye onkayeda?

Aposkạmi 15:8

Isor do sanam hoṛkoakʼ mone baḍaea. Uni do cetʼleka sonot Jiue danatʼbon tahekan, onkage boṅgan hoṛ jạtrenko hõe danatʼkote gohae emakada je, onko hõ kại khon bańcaoko ńamakada.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhugeye halawaea.

Romiko lạgitʼ Pạul Apostolakʼ ciṭhi 1:11

Ar ape daṛe ocope lạgitʼ jemon jãhãn Jiuanakʼ daya daniń em hạṭiń daṛeape onate ape tulucʼ ńapamokʼ iń menjoṅ kana.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniakʼ mạhima bujhạu lạgitʼ marsal sodorokʼ. Ar noa mạhimage Mạsiakʼ mẽtʼãhãre menakʼa.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohoapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,