Ibriko 6:2 - Santali Common Language New Testament

² eṭakʼakʼ bạptisma reaṅ cecetʼakʼ, capo reakʼ, gocʼko jiwetʼ beredokʼ ar jaejug reakʼ sạjại; noako etohopʼ reakʼ kathate arhõ nawate jemon rehetʼ alo bon bạisạu.

সান্তালী বাইবেল

² eṭakʼakʼ bạptisma reaṅ cecetʼakʼ, capo reakʼ, gocʼko jiwetʼ beredokʼ ar jaejug reakʼ sạjại; noako etohopʼ reakʼ kathate arhõ nãwãte jemon rehetʼ alo bon bạisạu.

Ibriko 6:2 Referans Kwoze

Aposkạmi 6:6

Onko do apostol ṭhenko idiketʼkoa. Ar apostolko do onko lạgitʼko koekeda ar kạmire bahalko lạgitʼ capokateko bhoratʼkoa.

Aposkạmi 24:25

Pạul do tinre dhorom horte calakʼ reakʼ, apnar sambṛaokʼ ar darakan bicạr reaṅe lạiadea, unre Pheliks do botorenteye menkeda, “Ma ńitokʼ do calakʼme; arhõ okte nạpitreń hohoama.”

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

Aposkạmi 17:18

Unre Epikuri ar Stoik ponḍitko modren adomko do Pạul tulucʼ reṭepeṭekʼko ehopʼena. Onko modren adomkoko menkeda, “Nui galbạjạriạ do cetʼe menetʼkana?” Arhõ eṭakʼko doko menkeda, “Uni do pasecʼ ạnạṛi boṅgako reakʼ kathae porcareda.” Onko do noa iạtegeko menkeda, ente Pạul do Jisu reaṅ ar gocʼko khon jewetʼ beredokʼ reaṅe porcarako kan tahẽkana.

Aposkạmi 16:33

Ar inạ ńindạge daroga do Pạul ar Silạse idiketʼkinte unkinakʼ hoṛmo reakʼ ghạlkoe ạrupʼketʼ tạkina, ar acʼ gharońjren sanamkoko bạptisena.

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhure biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Aposkạmi 10:47

“Dakʼte bạptisokʼ lạgitʼ noko hoṛ do cetʼ jãhãeye akoṭ daṛekea? Onko hõ coṅ abo leka sonot Jiuko ńamakade.”

Aposkạmi 2:41

Ado uniakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Aposkạmi 2:38

Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Johan 1:33

Uni do bạń oromakade tahẽkana, menkhan okoe dakʼte bạptisko lạgitʼe kolakadiń unigeye men akadińa, ‘okoe cetanre sonot Jiu pheḍ hijukʼkanem ńelea, unige sonot Jiuteye bạptispea.’

Mark 16:16

Ar jãhãegeye pạtiạukʼ are bạptis ocokʼ unige kại khon bańcaoe ńama; menkhan okoe bae pạtiạukʼ uni do sạjạiyokʼ lạgitʼe bicạr ocokʼa.

Mathae 28:19

Onate sanam jạtren hoṛko ṭhen calakʼpe ar ińren celakope. Ar Baba, Hopon, Sonot Jiu ńutumte bạptiskope.

2 Patras 3:7

Ar Isorakʼ inạ mitʼ kathatege ńitokʼakʼ serma ar dhạrti do seṅgelte ḍahao maraokʼ lạgitʼ dohoakana; Isor bebhokti hoṛkoakʼ bicạr ar ḍahao marao din hạbicʼ ona do jogao dohoakana.

Ibriko 11:35

Maejiuko do akoren gocʼ hoṛko arhõ jiwetʼgeko ńam ruạṛketʼkoa. Eṭakʼko do akotege hajot khon baṅ chaḍaokʼteko santao ocolena, jemon onko do gocʼko khon beretʼkate artetʼ mońj jionko ạidạri joṅ.

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

2Timothi 2:18

Nukin do Isorakʼ sạriakʼ khonkin sạṅgiń akana. Unkin dokin meneda, biswạsiko do gocʼko khon laharegeko beretʼakana. Nukin do adomkoakʼ biswạskin nosṭoyetʼtakoa.

Kolossiko lạgitʼ Pạul Apostolakʼ ciṭhi 2:12

Bạptisma hotete Mạsi tulucʼpe topa ocoakana; ona do baṅ, menkhan okoe gocʼko khon Mạsiye jiwetʼ beretʼkede uni Isorakʼ daṛere pạtiạu hotete ape hõ Mạsi tulucʼpe jiwetʼ ocoakana.

Philipiko lạgitʼ Pạul apostolakʼ ciṭhi 3:21

Uni do aboakʼ nijorte perecʼ hoṛmoe pherao tabona ar acʼakʼ ṭhonokanakʼ hoṛmo lekae hoe ocoea. Ar oka daṛete jotowakʼko acʼakʼ gobolreye ạguyetʼkan ona daṛetege uni do noae kạmiya.

1 Korinthiko 12:13

Abon do baṅ dobon Jihudikan, baṅ dobon boṅgan hoṛ jạtrenkokan, baṅ dobon golamko kan, baṅ dobon sạdhinko kan, jotoge ini mitʼ sonot Jiu hotete bon bạptis akana; ar jotokoge ini sonot Jiuge bon ńam akadea.

1 Korinthiko 10:2

Mose tulucʼ midokʼ lạgitʼge onko do rimil ar doreãoreko bạptis ocolena.

Romiko lạgitʼ Pạul Apostolakʼ ciṭhi 2:16

Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

Aposkạmi 26:8

Isor gocʼkoe jiwetʼ beretʼko noa katha do cedakʼ bape pạtiạuakʼ kana?

Aposkạmi 24:21

Eken noa mitʼṭen reaṅko dusi daṛeạńạ, iń do onko samaṅre teṅgokate ãṭ aṛaṅteń roṛletʼ tahẽkana, ‘gocʼko do arhõko jiwetʼ beredokʼa ar noa reaṅge teheń ape samaṅre bicạr hoyokʼ kantińạ.’ ”

Aposkạmi 24:15

Onko cetʼlekako asokʼkan onkage iń hõ Isorre noa as menakʼtińạ je, dhorom ar bedhorom sanamkoge arhõko jiwetʼ beretʼ ocokʼa.

Aposkạmi 4:2

Onko do ạḍiko edre akan tahẽkana, ente Patras ar Johan do hoṛkokin cetʼakokan tahẽkana ar Jisu hotete gocʼko arhõ jiwetʼ beredokʼ reaṅ kin porcaretʼ tahẽkana.

Johan 5:29

Okoe bhageko kạmi akatʼ onko do jion ńam lạgitʼko beredokʼa, ar okoe bạṛicʼakʼ kạmikote okteko khemao akatʼ onko do sạjạiyokʼ lạgitʼgeko beredokʼa.

Luk 14:14

Enḍekhan Isorakʼ bhorem ńama, ente onko do bako neota hala ruạṛ daṛeama. Ar dhoromko gocʼko khonko jiwetʼ beretʼ ocokʼre am do noa reakʼ halawama.”

Luk 12:50

Iń do mitʼṭen bạptisma ataṅ hoyokʼtińạ ar ona ạuri purạukʼ hạbicʼ ińakʼ duk do baṅ cabakʼtińạ.

Luk 11:38

Dhorom reakʼ niạm lekate Jisu do jom lahare ti ạrubokʼ bae ńelledete uni Phạrusi doe hahaṛayena.

Luk 3:16

Unre Johan do sanamkoe metatʼkoa, “Iń do dakʼteń bạptisetʼpea, menkhan okoe iń khone daṛegea uni doe darae kana. Iń do uniakʼ panahi reakʼ phitạ raṛaetae lek geń baṅkana. Uni do sonot Jiu ar seṅgelteye bạptispea.

Mark 7:8

Ape do Isor emakʼ hukumko bạgikate, manwa benaoakʼ ạri-cạlikope pańjayeda.’’

Mark 7:4

Ar hạṭiạ bajar khon hecʼkate hõ begor umte cetʼge bako jometʼ tahẽkana. Ona chaḍa onko do arhõ aema lekan ạri-cạliko pańjayetʼ tahẽkana, jemon loṭa, bạṭi, thạri gasao mańjao emanteakʼko reaṅ.

Mathae 3:14

Menkhan Johan do noa menkateye mana manakadea, “Ińge coṅ am tite bạptis maṛaṅokʼ jạruṛtiń; ar amge cetʼ iń ṭhenem hijukʼ kana.”

2 Korinthiko 5:10

Ente Mạsiakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛạibon ńama.

Aposkạmi 13:3

Unre onko do upạskateko koejoṅkeda arko capoketʼkinte unkinko bidạgotʼkakʼ kinạ.