Ibriko 5:12 - Santali Common Language New Testament

¹² Nunạkʼ dinte ape do guru hoyokʼ lek tahẽkantapea, menkhan ona bodolte Isorakʼ katha reakʼ arhõ gonḍa khon sikhnạt emape lạgitʼ cecetʼicʼakʼ jạruṛ paṛao akana. Keṭecʼ jomakʼ bodolte kạṭicʼ gidrạko leka arhõ ape do toa ńu reakʼ jạruṛ paṛao akatʼpea.

সান্তালী বাইবেল

¹² Nunạkʼ dinte ape do guru hoyokʼ lek tahẽkantapea, menkhan ona bodolte Isorakʼ katha reakʼ arhõ gonḍa khon sikhnạt emape lạgitʼ cecetʼicʼakʼ jạruṛ paṛao akana. Keṭecʼ jomakʼ bodolte kạṭicʼ gidrạko leka arhõ ape do toa ńũũ reakʼ jạruṛ paṛao akatʼpea.

Ibriko 5:12 Referans Kwoze

Ibriko 6:1

Noa iạte etohopʼre Mạsi reaṅ oka cecetʼakʼ bon ńamakatʼ, ona bon parom idite sạbitokʼ secʼ bon laha idikʼma. Bin joanakʼ kạmiko khon mon ạcurkate, Isorre pạtiạukʼte,

1 Patras 2:2

Nawa janam bale gidrạ leka apeakʼ jiure hara rakabokʼ lạgitʼ khạṭi toa ńam reakʼ gagojokʼpe, jemon onatepe hara rakabokʼte purạ puri bańcaokʼ secʼpe laha idikʼ.

Ibriko 5:13

Okoe toa ńuteye ạsulokʼkan uni ma ńit hõe balege, ar dhorom jion reaṅ oka sikhnạt menakʼtae onate hõe balegea.

Kolossiko lạgitʼ Pạul Apostolakʼ ciṭhi 3:16

Mạsiakʼ katha apeakʼ ontorre purạte girobas ocoakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽakʼkote apeakʼ ontorre Isor gun manao tulucʼ sereńaepe.

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguyepe.”

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniakʼge. Amen.

1 Korinthiko 14:19

Menkhan manḍer talare eṭakʼ eṭakʼ pạrsite hajar hajar kathań roṛ khon eṭakʼko cetʼako lạgitʼ bickom ińakʼ bud khon mõṛẽ goṭecʼ kathageń roṛa.

Romiko lạgitʼ Pạul Apostolakʼ ciṭhi 3:2

Joto secʼ khonge porhowanakʼ hoeakana. Pạhilte Isor do acʼakʼ katha Jihudikogeye ematʼko tahẽkana.

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍegeye ńamleda.

Mark 9:19

Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguyepe.”

Philipiko lạgitʼ Pạul apostolakʼ ciṭhi 3:1

E ińren boehako, mucạtʼreń meneda, Probhu tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

1 Korinthiko 14:20

E boehako, bujre gidrạko leka do alope hoyokʼa. Ar bạṛicʼakʼre apeakʼ mon do bale gidrạko leka hoyokʼtape ma, menkhan bujre do sẽṛã hoṛ lekankoge hoyokʼpe.

Galathiko lạgitʼ Pạul Apostolakʼ ciṭhi 4:3

Onka leka gidrạ bon tahẽkanre abo hõ dhạrti reakʼ ạḍi lekan ạri-cạliren golam bon tahẽkana.

Ibriko 5:11

Noa reaṅ ạḍi utạr katha mementeakʼ menakʼ talea, menkhan ona reakʼ bhed bhaṅgao do muskilgea, ente Jiu reakʼ sạritetʼ ape do algate bape bujhạu daṛeakʼ kana.

Ibriko 10:32

Laha dinko reakʼ katha disạipe. Unre marsal ńamkate ape do duk jom talate hõ teṅgo ṭak akaepe tahẽkana.