Ibriko 5:1 - Santali Common Language New Testament

¹ Hoṛko secʼ khon Isorakʼ sewae lạgitʼ mimitʼ maraṅ naeke do manwako mod khon bachaokateye bahalokʼ kana, jemon manwakoakʼ kại iạte janware dãṛẽye ar eṭakʼ danko hõe samaṅ.

সান্তালী বাইবেল

¹ Hoṛko secʼ khon Isorakʼ dewa sewae lạgitʼ mimitʼ maraṅ naekeko do manwako tala khon bachaokateye bahalokʼ kana, jemon manwakoakʼ kại iạte janware dãṛẽye ar eṭakʼ danko hõe samaṅ daṛeakʼ.

Ibriko 5:1 Referans Kwoze

Ibriko 8:3

Mimitʼ maraṅ naekeko do janwar dãṛẽ ar eṭakʼ eṭakʼ jinisko samaṅ lạgitʼko bahal ocokʼkana, onate nui maraṅ naekeakʼ hõ jãhãn dãṛẽ samaṅ reakʼ jạruṛ menakʼtaea.

Ibriko 10:11

Mimitʼ naekeko do dinạmge teṅgokate Isorko sewawae kana ar mitʼ talao inạ mitʼlekage dãṛẽko samaṅeda, menkhan nonkan dãṛẽte kại do tishõ ohoko ocokʼ daṛelea.

Ibriko 11:4

Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniakʼ dãṛẽ aṅgockate uni reaṅ noa gohae emleda je, uni doe dhoromgea mente. Abele gocʼakanre hõ enhõ uniakʼ biswạs hotetege uni do ńit hõ kathae roṛeda.

Ibriko 9:9

Nahakʼ jug lạgitʼ noa do mitʼṭen cinhạ kana one oka doe lại abonkan je, dãṛẽ samaṅ akade janwar ar eṭakʼ eṭakʼ jinisko do dewa sewakoakʼ bibek ohoe sạbit utạr daṛeletakoa.

Ibriko 7:27

Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.

Ibriko 2:17

Onate Jisu do sanam secʼte acʼren boehako leka hoyokʼ hoelentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Romiko lạgitʼ Pạul Apostolakʼ ciṭhi 15:17

Iń do Isor lạgitʼ okaṭakʼ iń kạmikan onate Mạsi Jisu hotete ińakʼ sarhaokʼ reakʼ ạidạri do menakʼgetińạ.

1 Korinthiko 15:3

Ente okaṭakʼ iń ńamakatʼ ona do sanam khon jạruṛanakʼ mente ape hõń emakatʼpea; ona do hoyokʼ kana sonot sostor reakʼ katha leka Mạsi do aboakʼ kại gunạkʼteye gocʼlena,

Ibriko 8:4

Menkhan ńit noa dhạrtireye tahẽlen khan uni do maraṅ naeke ohoe hoedaṛelena, ente nonḍe do ạn-ạri lekate dãṛẽ samaṅ lạgitʼ naeke ma menakʼkoge.

Ibriko 10:12

Menkhan Jisu do kại ńutumte jaejug lạgitʼ eken mitʼṭen dãṛẽye samaṅketʼe Isorakʼ jojomsa aṛereye duṛupʼena.