Ibriko 3:13 - Santali Common Language New Testament

¹³ Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeakʼ mon hõ kại reakʼ lilkạrte alo keṭejokʼtape.

সান্তালী বাইবেল

¹³ Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeyakʼ mon hõ kại reakʼ lilkạrte alo keṭejokʼtape.

Ibriko 3:13 Referans Kwoze

1 Thessalonikikko 5:11

Onate ńitokʼ okape cekayetʼkan onkage mimitʼko udgạu emakope ar ape mimitʼko benao rakabokʼpe.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

1 Thessalonikikko 4:18

Ona iạte noako kathate ape apere jiwi raṛejtape.

Romiko lạgitʼ Pạul Apostolakʼ ciṭhi 7:11

ente ona hukum reakʼ ạt iạte kại doe bulạukedeńa, ar ona hukum hotetege kại doe gocʼkedeńạ.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhure biswạsko tahen onate uni do sanamkoe sikhạu paṛhaoketʼkoa.

Jakob 1:14

Ontor reakʼ bạṛicʼ sanage manwa do kại secʼe or idiyedea ar ghaḍlakʼreye giḍiyea.

Ephesiko lạgitʼ Pạul Apostolakʼ ciṭhi 4:22

Ar noa sikhnạtpe ńamleda je, apeakʼ pạhil cạl-colon lekaten “Mare hoṛtetʼ ” kicricʼ leka totʼ giḍikaepe, ente lilkạr reakʼ lalocte uni “Mare hoṛtetʼ ” doe bạṛijokʼkana.

1 Thessalonikikko 2:11

Baḍaegeape, cetʼleka apat do acʼren gidrạkoe udgạuetʼko ar jiwi raṛecʼe emakokan are bintiyako kan, onkage ale hõ ape mimitʼkole ematʼpea, jemon Isorren hoṛ hoekate lek lekape colon. Isor do acʼakʼ nijakʼ rajosṭi ar ṭhonokren bhạgiạdarko hoyokʼ lạgitʼe hohoape kana.

Ibriko 13:22

E boehako, ape ṭhen ińakʼ bạ̃ṛti nehõr do noage je, ińakʼ noa sikhạuna kathako do bataotińpe. Ar ape ṭhen bạ̃ṛti katha do bạń oletʼkana.