Ibriko 3:12 - Santali Common Language New Testament

¹² E boehako, sontor akae tahenpe! Ape modre okoeakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

সান্তালী বাইবেল

¹² E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Ibriko 3:12 Referans Kwoze

Ibriko 12:25

Men sontorokʼpe, okoe kathae roroṛkan uniakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniakʼ kathako phesṛaoletʼtaea ar rukhiyạ bako ńamleda, unre serma khon okoeye sontorakatʼ bon uniakʼ babon bataole khan cetʼtehõ rukhiyạ oho bon ńamlea.

1 Korinthiko 10:12

Onate jãhãe kajakteye teṅgo akana menteye monejoṅkan khan, enḍekhan uni doe sontorokʼma jemon aloe bhindạṛokʼ.

Ibriko 10:38

Okoe hoṛ dhorom menteń ataṅ akade uni do pạtiạu hotetege jione ńama; menkhan jãhãegeye ruạṛ calakʼ khan unire do bạń kusikʼa.”

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoete ḍher hoṛ aloko bhõnḍko.

Ibriko 3:10

Iń do onko cetanre ạṛislenteń menleda, ‘noko hoṛakʼ ontor do bạṛicʼ secʼ ạcur baṛaekantakoa; onko do ińakʼ hor bako baḍaelakʼa.’

Mark 13:33

Ape do sontor akan tahenpe, jagwar tahenpe ar koejoṅpe, ente bape baḍaea oktetetʼ do tiskan coṅ.

Mathae 24:4

Jisui roṛ ruạṛatʼkoa, “Men sontorokʼpe, okoe hõ jemon aloko bulạupe,

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Romiko lạgitʼ Pạul Apostolakʼ ciṭhi 11:21

ente Isor do asol ḍạrkoge bae mãyãwakʼ kan khan enḍekhan am hõ ohoe mãyãlema.

Luk 21:8

Jisui roṛ ruạṛatʼkoa, “Ńelpe, okoe hõ jemon aloko bulạupe, ente ḍher hoṛge iń ńutumte hecʼkateko metapea, ‘iń kangeạń’ ar ‘okte do sorakana.’ Onko do alope pańjakoa.

Mark 13:23

Menkhan ape do sontorakae tahenpe. Ńelpe, laharege jotowakʼ iń lại dohoatʼpea.

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Kolossiko lạgitʼ Pạul Apostolakʼ ciṭhi 2:8

Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniakʼ hohoakʼren bakhradarkope hoeakan, ape do Jisu reaṅ moneakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Ibriko 3:19

Arbon ńeleda, bepạtiạu iạte onko do Isorakʼ jirạukʼ jaegate bako bolo daṛeada.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Ibriko 10:31

Jiwetʼ Isorakʼ tire paṛaokʼ do ạḍi botoranakʼ kangea.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;