Ibriko 2:4 - Santali Common Language New Testament

⁴ Ona salakʼ Isor hõ ạḍi utạr cinhạko ar hahaṛawakʼko ar daṛe kạmiko ar acʼakʼ monejoṅ leka sonot Jiuakʼ daya dankote ona reaṅ gohae emakada.

সান্তালী বাইবেল

⁴ Ona salakʼ Isor hõ ạḍi utạr cinhạko ar hahaṛawakʼko ar daṛe kạmiko ar acʼakʼ monejoṅ leka sonot Jiuakʼ daya dankote ona reaṅ gohae emakada.

Ibriko 2:4 Referans Kwoze

Aposkạmi 14:3

Pạul ar Barnabas do ona nagrahare thoṛa dinkin tahẽyena ar dil salakʼ Probhuakʼ kathakin galmaraoatʼkoa. Ar Probhuakʼ daya reaṅ okakin porcaretʼ tahẽkan ona katha sạrikana mente sạbud lạgitʼ Probhu do Pạul ar Barnabas hotete cinhạko ar hahaṛawakʼkoe hoeocokeda.

Mark 16:20

Ar celako do senkate sanam jaegare porcarko ehopʼena. Ar Probhu do onko talate kạmiye ehopʼena ar hahaṛa kạmi reakʼ daṛeteye pormankeda, onko okako porcaretʼkan ona do sạrikana mente.

Johan 4:48

Jisu do uni raj kạmiạ hoṛe metadea, “Jãhãn cinhạ se hahaṛa kạmi bape ńellekhan ape do okalekate hõ ohope pạtiạulena.”

Johan 15:26

“Okoe sohotʼicʼ Baba ṭhen khoniń kolape, uniye hecʼlenre unige iń reaṅ gohae ema. Uni doe hoyokʼ kana sạriakʼren Jiu one okoe do Baba ṭhen khone hijukʼkan.

Ephesiko lạgitʼ Pạul Apostolakʼ ciṭhi 1:9

Uni do okalekae khojletʼ ar Mạsi hotete okaleka laha khongeye ṭhik doho akatʼ tahẽkan, onka lekage uni do acʼakʼ okoakʼ monsubạkoe baḍae ocoletʼ bon tahẽkana.

Aposkạmi 4:10

Enḍekhan ape ar sanam Israelko noa katha baḍae dohokakʼpe je, Nasaretren Jisu Mạsi, okoe dope kruslede ar okoe do gocʼko khon Isore jiwetʼ beretʼkede, uniakʼ daṛetege nui hoṛ doe bogeyente ape samaṅreye teṅgo akana.

Mark 6:14

Jisuakʼ ńutum goṭa ṭạnḍi pasnao akan tahẽkante Herod raj hõ Jisuakʼ kathae ańjom tiyokʼkeda. Unre adom adom hoṛko menetʼ tahẽkana, “Nui doe Johan bạbạptisicʼ kana. Unige gocʼko khone jiwetʼ beretʼ akante hahaṛawakʼkoe kạmi kana.”

Aposkạmi 5:32

Ale do noaren gohako kanale ar okoe Isorakʼko bataoetʼkan, ar okoe do sonot Jiue emakatʼko uni sonot Jiu hõ ona reaṅ goha kanae.”

Ephesiko lạgitʼ Pạul Apostolakʼ ciṭhi 4:7

Menkhan Mạsi cetʼlekae ṭhik dohoakatʼ ona soṅ hạṭiń lekage abo mimitʼko do daya dan bon ńamakada.

Ibriko 6:4

ente mitʼ dhao marsal ńelakat̕ko do, serma dan reakʼ sebel ar sonot Jiuakʼ elaṅko ńamakada,