Ibriko 13:18 - Santali Common Language New Testament

¹⁸ Ale lạgitʼ koejoṅpe. Sanamakʼkore dhorom lekate senokʼle menjoṅkan iạtele baḍaekana je, aleakʼ bibek do napaegetalea mente.

সান্তালী বাইবেল

¹⁸ Ale lạgitʼ koejoṅpe. Sanamakʼkore dhorom lekate senokʼle menjoṅkan iạtele baḍaekana je, aleakʼ bibek do napaegetalea mente.

Ibriko 13:18 Referans Kwoze

1 Thessalonikikko 5:25

E boehako, ale lạgitʼ koejoṅpe.

2 Thessalonikiko 3:1

E boehako mucạtʼ katha do noage, ale lạgitʼ koejoṅpe cetʼleka Probhuakʼ katha ape talare usạra pasnaolen onkage ona do pasnao idikʼte ṭhonokokʼtege tahena.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoe. Noa dulạṛ do niphuṭ ontor, sapha bibek ar sạri biswạs khon hijukʼ kana.

Kolossiko lạgitʼ Pạul Apostolakʼ ciṭhi 4:3

Ona sãote ale lạgitʼ hõ koejoṅpe jemon Mạsi reaṅ sạri okoakʼ reakʼ katha porcar lạgitʼ Isor do ạte emabon. Ar ona sạri okoakʼ lạgitʼge iń doń bondi ocoakana.

Romiko lạgitʼ Pạul Apostolakʼ ciṭhi 15:30

E boehako, aboren Probhu Jisu Mạsi hotete ar sonot Jiuakʼ dulạṛteń nehõrape kana, iń lạgitʼ Isor ṭhen koejoṅre iń sãote lạgiạ paṛaokʼpe.

1 Patras 3:21

Noa do hoyokʼ kana bạptisma reakʼ mitʼṭen nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilạye ocokʼ giḍi daṛeakʼa ona do baṅ; Isor ṭhen noa do mitʼṭen bhage bibek reakʼ hohokana. Ape do Jisu Mạsiakʼ gujukʼ ar jiwetʼ beredokʼ hotetepe bańcao ocoakana.

1 Patras 3:16

Apeakʼ bibek sapha dohoetape, jemon Mạsiren hoṛ lekate apeakʼ bhage colon iạte okoeko oktawape onko do lajaoreko paṛaokʼ.

1 Patras 2:12

ente onako do aperen Jiu birudreye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

1 Thessalonikikko 4:12

jemon apeakʼ noa bhage cạl-colon iạte bahreren hoṛko ṭhen manotpe ńam ar eṭakʼkore ṭehãḍokʼ reakʼ jạruṛ alo hoyokʼtape.

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoe reakʼ iń kurumuṭuyeda.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Philipiko lạgitʼ Pạul apostolakʼ ciṭhi 4:8

E boehako, mucạtʼre noageń mena, okaṭakʼ sạriakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneakʼpe.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Romiko lạgitʼ Pạul Apostolakʼ ciṭhi 13:13

Rij roṅ ar ńu bulokʼte do baṅ, loṭghuṭi ar lucạ lamoṭte do baṅ, reṭha reṭhi ar hiskạte do baṅ, menkhan siń marsalre dãṛãnkanko leka jion bon khemao ma.

Romiko lạgitʼ Pạul Apostolakʼ ciṭhi 12:17

Bạṛicʼ bodol bạṛicʼ okoe hõ alope halawakoa. Sanam hoṛkoakʼ mẽtʼre okaṭakʼ bhageakʼ kan ona reaṅ moneakʼpe.