Ibriko 12:2 - Santali Common Language New Testament

² Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte krusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

সান্তালী বাইবেল

² Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 12:2 Referans Kwoze

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Philipiko lạgitʼ Pạul apostolakʼ ciṭhi 1:6

Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekanko bańcaoko lạgitʼgeye hijukʼa.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼko do jaejug jion tahentako. Ińge onko do mucạtʼ dinreń jiwetʼ beretʼkoa.”

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniakʼ gobolre menakʼkoa.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Luk 24:26

Mạsi do cetʼ noako duk jomkate ṭhonok ńam reakʼ katha baṅ tahẽkantaea?”

Jihudạwakʼ ciṭhi 1:21

Aboren Probhu Jisu Mạsiakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.

Ibriko 8:1

Abo oka bon menetʼkan ona reakʼ asol katha do noa kana je, aboren do nonkan mitʼṭen maraṅ naeke menaea one uni do sermare maraṅ Isorakʼ siṅghạson reakʼ jojomsa aṛereye duṛupʼakan.

2Timothi 4:8

Onate iń lạgitʼ dhorom reakʼ jit ṭupri dohoakana. Bicạr dinre dhorom bicạricʼ Probhu do ona kuṛại lekate jit reakʼ malae danạńạ. Ar eken iń eskargeye danạńạ ona do baṅ, menkhan okoe soborikate uniakʼ ruạṛ hijukʼ reakʼko koyokʼ horakatʼ onko sanamkoe danakoa.

Philipiko lạgitʼ Pạul apostolakʼ ciṭhi 3:20

Menkhan aboakʼ rajosṭi do sermare; one onḍe khon abo do aboren babańcaoicʼ Probhu Jisu Mạsiakʼ hijukʼ bon ńel hohorkan.

Mark 14:36

Uni doe menkeda, “Abba, E Baba, am ṭhen do sanamakʼge hoedaṛeakʼa. Noa duk reakʼ bạṭi iń khon pharakme baṛe. Enhõ ińakʼ sanaleka do baṅ menkhan amakʼ sanalekage hoyokʼma.”

Johan sodor 2:8

‘‘Smurnạ naṅgrha reakʼ manḍerren goḍet ṭhen noa katha olme: ‘‘Okoe doe etohopʼ are mucạtʼicʼkan, ar okoe doe gocʼlen are jiwetʼ beretʼen, uni do noa kathae meneda.

Ibriko 13:13

Onate dela bon, uniakʼ opomanbon gogte nagraha bahre uni ṭhen bon calakʼma,

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Johan 13:3

Jisu doe baḍaekan tahẽkana, Isor Baba do acʼakʼ tire jotowakʼe jimạ akada. Ar noa hõe baḍaekan tahẽkana, acʼ do Isor ṭhen khone hecʼakana ar uni ṭhengeye ruạṛ calao lạgidokʼ kana.

Luk 17:5

Onko gelbar apostolko do Probhuko metadea, “Aleakʼ biswạs baṛe bạ̃ṛti kataleme.”

Mark 9:24

Unre gidrạren apat do ãṭ aṛaṅateye menkeda, “Iń doń pạtiạukʼ kangea; ar ńit hõ ińre oka bepạtiạu menakʼ ona baṛe ocokʼ kạtińme.”

Ibriko 12:3

Okoe do kại hoṛkoakʼ nunạkʼ maraṅ bạiriye sahaoketʼ, uni reaṅ hudisokʼpe, jemon apeakʼ mon alo nijorokʼ ar beasko alope hoyokʼ.

Ephesiko lạgitʼ Pạul Apostolakʼ ciṭhi 2:16

Uniakʼ monsubạ do tahẽkana jemon, acʼakʼ krusteakʼ gujukʼte ona banar mitʼkate Isor tulucʼ arhõe mitʼ ruạṛ daṛeakʼ, ente noa banar talare oka bạiri leka tahẽkan, ona do acʼakʼ krusteakʼ gujukʼ hoteteye maraokeda.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

Johan 12:32

Iń do ot khon coṭteń rakapʼ ocokʼre sanamko iń ṭheniń or sorkoa.”

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍae sanaletʼkoa Mạsiren uni Jiu do oka okte ar oka dosa reakʼ kathae baḍae ocoyetʼkoa.

Ibriko 10:14

ente Isorakʼ monsubạ lekate okoeko begar ocoakan ona mitʼṭen dãṛẽ hotete uni do jaejug hạbicʼ onkoe sạbit ocoakatʼkoa.

Johan 12:24

Sạrigeń metaben kana, guhum jaṅ hasare ńurkate baṅ gocʼlen khan ona do eskarge tahena, menkhan gocʼlen khan do ạḍi utạr gele belekʼa.

Johan 8:56

Aperen baba Abraham hõ ińakʼ dinko ńel lạgitʼe hulạslena. Menkhan uni doe ńelleda ar kusi hõe kusilena.”

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Luk 23:11

Unre Herod do Jisui bemanotkedea are siṛogadea, ar uniren sipạhiko hõko onkawadea. Ona tayom uni do ṭhosok kicricʼe horokʼadete Pilạt ṭhene kol ruạṛkadea.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi uṭạr hoṛko bodolte chaḍao reakʼ dam menkate acʼakʼ jiwi emokʼgeye hecʼakana.”

Mathae 16:21

Un khonge Jisu do acʼren celako lạiakoe ehopʼena je, acʼ do Jerusalemte calakʼ hoyokʼtaea ar murubiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Johan sodor 1:17

Uni ńelte iń do gocʼicʼ leka uniakʼ jaṅga ṭheniń bhindạṛena. Unre uni do acʼakʼ jojomtite joṭetʼkedeńteye metadińạ, “Alom botorokʼa. Ińge pạhilicʼ ar mucạtʼicʼ,

Johan sodor 1:11

Uni doe metadińạ, “Okaṭakʼem ńel ona do mitʼṭen puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭen nagraha reakʼ eae goṭen manḍer ṭhen kolme.”

Ibriko 1:13

Isor do tis baṅ jãhãe serma goḍet noa kathae menakawade, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme?”

Aposkạmi 2:36

“Onate sanam Israel jạtko noa katha khạṭiteko baḍaema je, ape okoepe kruslede Isor do uni Jisuge Probhu hõ ar Mạsi hõe hoeoco akedea.”

Mark 9:12

Jisui roṛ ruạṛatʼkoa, “Noa katha do sạrikangea je, pạhilre Eliại hijukʼa ar sanamakʼ do lahate lekae teṅgo aroea. Menkhan Manwa Hopon reaṅ sonot sostorre cekate baṅ olakan, uni do ạḍi okocʼ duk jojom hoyokʼtaea ar hoṛko do uniko nihạtea?

Johan sodor 1:8

Probhu Isore meneda, “Ińge Alpha ar Omega, one okoe do menae, are tahẽkan are hijukʼkan. Ar iń kangeạń sanam daṛeyicʼ do.

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

Ibriko 10:33

Oka oka okte do sanamko samaṅre tamasakope hoeocolente opoman ar santao sahaokate dukpe jomleda; ar okoeko cetanre onkan beohar hoelen onko tulucʼ hõ ape do dukpe sahaokeda;

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

1 Korinthiko 1:18

Okoe nosṭokʼ reakʼ horteko taṛametʼ onko ṭhen Mạsiakʼ gujukʼ reakʼ katha do lelhawakʼ chaḍa ar cetʼge baṅkana; menkhan okoe bańcao bon ńam lạgidokʼkan abo ṭhen ona do Isorakʼ daṛe kana;

1 Korinthiko 1:23

menkhan ale do kruslen Mạsiakʼ kathale porcareda. Ona katha Jihudiko ṭhen do mitʼṭen tạkicʼakʼ kana ar boṅgan hoṛ jạtrenko ṭhen do lelhawakʼge,

Jakob 2:1

E ińren boehako, aboren ṭhonokte perecʼ Probhu Jisu Mạsirepe pạtiạu akan khan sanamko somante beṅgetʼ akope.

Mark 15:28

Onate sonot sostor reakʼ katha noa katha purạuena: “Uni do beạiniko tulucʼe lekhayena.”