Ibriko 11:6 - Santali Common Language New Testament

⁶ Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniakʼ katha leka calakʼko do uniakʼ ti khon kuṛạiko ńama.

সান্তালী বাইবেল

⁶ Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniyakʼ katha leka calakʼko do uniyakʼ ti khon kuṛạiko ńama.

Ibriko 11:6 Referans Kwoze

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Luk 12:31

Ona khon boroṅ Isorakʼ rajko reakʼ dạndikʼpe, enḍekhan noako hõpe ńama.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Romiko lạgitʼ Pạul Apostolakʼ ciṭhi 10:14

Menkhan okoere bako biswạs akan uni do cekateko hohoaea? Okoe reaṅ bako ańjomakatʼ unire cekateko pạtiạukʼa? Ar poporcaricʼ bae tahen khan onko do cekateko ańjoma?

Ibriko 3:12

E boehako, sontor akae tahenpe! Ape modre okoeakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Johan 14:6

Jisu do Thomae metadea, “Ińge hortetʼ, sạriakʼtetʼ ar jion. Iń hotete baṅkhan okoe hõ Baba ṭhen ohoko calao daṛelena.

2 Patras 1:5

Onate ạḍi jidkate apeakʼ biswạsre bhage gun, ar bhage gunre do akel,

Ibriko 4:6

Nitokʼ noa katha do ṭhikgea je, adom hoṛ do uniakʼ jirạu joṅ jaegareko bolokʼa; Menkhan okoe Israelko ṭhen pạhilte bhage sombat lại jạhirlen, onko do bebatao iạte Isorakʼ jirạu joṅ jaegare bako sen daṛeatʼ tahẽkana.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsirenkan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.

Johan 8:24

Onateń metapekana, ape do apeakʼ kạirepe gujukʼa. Ar ińkangeạń mente bape pạtiạukʼ kan khan apeakʼ kạiregepe gujukʼa.”

2 Patras 1:10

Onate E boehako, sạrige Isor do apeye hohoakatʼpe are bachao akatʼpe ona khạṭi ocoe lạgitʼ arhõ bạ̃ṛti jid monanko hoyokʼpe. Ar noakope nonka lekhan tis hõ ohope tohotʼlena.

Ibriko 4:2

Israelko ṭhen cetʼleka bhage sombat lại jạhirlen, onkage abo ṭhen hõ lại jạhir akana. Menkhan ona bhage sombatre Israelkoakʼ jãhãn porho do baṅ hoeakana, ente onko do ańjomkate onare bako pạtiạulena.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sewako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Ibriko 11:26

Uni do Misor reakʼ dhon durib khon Mạsi ńutumteakʼ opomange ạḍi bạ̃ṛtiye moneada, ente uni do kuṛại secʼe beṅgetʼ akatʼ tahẽkana.

Mark 16:17

Okoeko pạtiạukʼ onkore do noako cinhạ ńelogokʼa, onko do iń ńutumte bạṛicʼ jiukoko oḍok giḍikoa, ar nawa nawa pạrsite kathako roṛa,

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Mathae 6:16

‘‘Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Mathae 6:5

‘‘Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼkana. Sạrigeń metapekana, onko do akoakʼ kuṛạiko ńam horayeda.

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Mathae 11:26

Hẽ Baba, amakʼ sana lekage noa do hoeakana.