Ibriko 11:32 - Santali Common Language New Testament

³² Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

সান্তালী বাইবেল

³² Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

Ibriko 11:32 Referans Kwoze

Johan 21:25

Jisu do arhõ ạḍi utạrakʼkoe kạmileda. Onako mitʼ mitʼte ollen khan nunạkʼ puthiko hoekokʼa je, ińakʼ bujre noa dhạrtire ohoge sahopʼlena.

2 Patras 1:21

ente nạbiko do akoakʼ sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

Romiko lạgitʼ Pạul Apostolakʼ ciṭhi 7:7

Enḍekhan cetʼ bon mena, ạn do bạṛicʼgea? Khạṭige baṅa; bickom noa katha do ṭhikgea je, ạnko baṅ tahẽlen khan kại do cetʼ kana mente ohoń baḍae daṛelea. “Alom laloca,” Ạn-ạrire noa katha baṅ lạilen khan laloc do cetʼ kana mente ona hõ ohoń baḍaelea.

Romiko lạgitʼ Pạul Apostolakʼ ciṭhi 4:1

Enḍekhan aboren mare hapṛam Abraham reaṅ do cetʼ bon menkea? Noa babotre uni do cetʼe ńelleda?

Romiko lạgitʼ Pạul Apostolakʼ ciṭhi 3:5

Menkhan aboakʼ behokakʼ kạmiko khon arhõ pusṭạute bujhạukʼ kana, Isor do jaoge hok reakʼe kạmikana. Enḍekhan cetʼ bon menkea, aboe sạjạiyetʼ bonre uni doe behokeda? Iń do manwa lekateń roṛeda, sạrige uni do tishõ bae behoka.

Aposkạmi 13:20

Noako sanamakʼ hoe purạukʼte pon sae mõṛẽgel bochor lagaolena. “Noa tayom Sạmuel nạbi hạbicʼ Isor do bicạricʼe ematʼko tahẽkana.

Aposkạmi 10:43

Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniakʼ ńutumte kại reakʼ ikạko ńama.”

Aposkạmi 3:24

“Ona chaḍa Sạmuel khon ehopʼkate tinạkʼ nạbikoko roṛakatʼ, onko hõ niạ okte reakʼ katha lahareko lại oṭoakada,

2 Patras 3:2

Sonot nạbiko okako katha lahateko menakatʼ onako ar aperen apostolko hotete aboren Probhu ar babańcaoicʼ okaṭakʼ hukume emakatʼ, ińakʼ monejonakʼ do jemon onape disạ dohoe.

Jakob 5:10

E boehako, okoe nạbiko Probhu secʼ khon kathako roṛakatʼ, ar kosṭo oktere cetʼlekako sombhuri akatʼ tahẽkana ona katha do hudiskate ńelpe.

Romiko lạgitʼ Pạul Apostolakʼ ciṭhi 6:1

Enḍekhan cetʼ noa bon mena, Isorakʼ daya jemon bạ̃ṛtikʼ, onate kại iditege bon tahena?

Luk 16:31

“Unre Abrahame menkeda, ‘Mose ar nạbikoakʼ katha jãhãe bako ańjom khan enḍekhan gocʼko mod khon jãhãegeye beretʼlenre hõ onko do ohoko pạtiạulena.’ ”

Luk 13:28

“Tinre Abraham, Isạhak, Jakob ar nạbiko do Isorakʼ rajosṭirepe ńelkoa ar ape do bahrerepe giḍi ocoakana, unre ape dope rakʼ homora ar hasotepe togocʼ ḍaṭaea.

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.