Ibriko 11:3 - Santali Common Language New Testament

³ Ar biswạs hotetege bon bujhạu daṛeakʼ kana je, Isorakʼ moca reakʼ kathate noa dhạrti do sirjạulena. Onate bujhạukʼ kana, abo okaṭakʼ bon ńel ńametʼkan ona do jãhãn ńelakʼ jinis khon do baṅ sirjạu akana.

সান্তালী বাইবেল

³ Ar biswạs hotetege bon bujhạu daṛeakʼ kana je, Isorakʼ moca reakʼ kathate noa dhạrti do sirjạulena. Onate bujhạukʼ kana, abo okaṭakʼ bon ńel ńametʼkan ona do jãhãn ńelakʼ jinis khon do baṅ sirjạu akana.

Ibriko 11:3 Referans Kwoze

2 Patras 3:5

Noko hoṛ do dhikhitegeko hiṛińeda je, sedaere Isorakʼ kathate serma do sirjạulena ar dakʼte ar dakʼ khonge dhạrti hõ sirjạulena mente.

Johan 1:3

Sanamakʼge ona katha hotete sirjạu akana, ar oka sirjạu akan onako modre okaṭakʼ hõ uni begor do baṅ sirjạu akana.

Romiko lạgitʼ Pạul Apostolakʼ ciṭhi 4:17

Sonot sostorre olakan leka, “Iń do ạḍi utạr jạtkoren babageń hoe ocoakatʼmea,” Ona lekate Isor samaṅre Abraham do abo sanamkoren baba kanae. Okoe gocʼkoe jiwetʼetʼko ar bạnukʼakʼko hõ menakʼakʼko lekae metakʼkan uni Isorrege Abraham doe pạtiạulena.

Aposkạmi 17:24

“Isor, one uni dhạrti ar onare menakʼ jotowakʼe benao akatʼ, unige serma ar dhạrtiren Probhu kanae. Uni do tite benaoakʼ okaṭakʼ mundilre hõ bae tahenkana.

Johan sodor 4:11

“E aleren Probhu ar Isor, amge man ar ṭhonok ar daṛe ńam lek kanam, ente jotowakʼgem sirjạu akada; ar amakʼ monelekage onako do sirjạu akana ar ṭikạu menakʼa.”

Ibriko 1:2

Menkhan sesa sisi dinkore uni do acʼren Hopon hotete abokoe galmaraoatʼ bona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakangeliń. Ạliń do ape ṭhen bhage sombat liń porcareda jemon noa ạuṛiakʼko khon jiwetʼ Isor secʼpe, ạcurokʼ. Unige serma, dhạrti, jalapuri ar onakore menakʼ jotowakʼ doe sirjạu akada.

1 Korinthiko 2:7

menkhan ale do Isorakʼ akelte perecʼ akan okoakʼ kathakole roṛeda, one oka do dhạrti ạuri sirjạu khon Isore niṭ dohoakatʼ tahẽkan jemon uniakʼ ṭhonok reakʼ bhạgiạdar bon hoedaṛeakʼ.

1Timothi 4:5

ente Isorakʼ katha ar koete ona do sonot ocokʼ kana.

Ibriko 6:5

Isorakʼ mońj katha reakʼ sebelko ńamakada ar darakan jug reaṅ daṛe reakʼko baḍae akatʼa,