Ibriko 11:1 - Santali Common Language New Testament

¹ Okaṭakʼ ńama mentebon as akan ona dobon ńamgea ar ona reakʼ khạṭitetʼ do hoyokʼ kana pạtiạu. Ar ona pạtiạu hotete purạ puri bon bujhạu daṛeakʼa je, okaṭakʼ babon ńel ńametʼkan ona do sạrige menakʼgea mente.

সান্তালী বাইবেল

¹ Okaṭakʼ ńama mentebon as akan ona dobon ńamgea ar ona reakʼ khạṭitetʼ do hoyokʼ kana pạtiạu. Ar ona pạtiạu hotete purạpuri bon bujhạu daṛeakʼa je, okaṭakʼ babon ńel ńametʼ kan ona do sạrige menakʼgea mente.

Ibriko 11:1 Referans Kwoze

2 Korinthiko 5:7

Oka ńelokʼkan ona hotete do babon calakʼkana, bickom biswạs hotetebon dãṛãnkana.

2 Korinthiko 4:18

Oka ńelokʼkan ona secʼ do bale beṅgetʼeda, bickom oka baṅ ńelokʼkan ona secʼgele beṅgetʼeda. Ar oka ńelokʼkan ona do eken thoṛa din lạgitʼkana, menkhan oka baṅ ńelogokʼkan ona do jaejug hạbicʼakʼ kana.

Ibriko 11:7

Okaṭakʼ do unrehõ baṅ ńṭoṭhan tahẽkan, ona reaṅ Isor do Noahae sontorledea. Noah do Isor bhokti hoṛe tahẽkante Isorakʼ kathare biswạskate mitʼṭen jahaje benaoleda, jemon acʼakʼ gharońjrenko rukhiyạko ńam. Noah do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭạukate sapha ocoakana ar phạriạ dakʼte hoṛmo do um sapha akan tabona.

Ibriko 11:27

Isor cetanre biswạs iạtege uni do raj begor botoraete Misor disạme bạgiatʼ tahẽkana, ente baṅ ńelokʼicʼ ńelekan lekae sumbhrạukeda.

Ibriko 6:12

Kuṛhiạpe tahen do bale khojkana; alele khojkana, okoe pạtiạu ar soborite Isorakʼ gokʼakʼ reakʼ bhorko ạidạri joṅkan, ape hõ onko leka hoyokʼpe.

Ibriko 10:39

Okoe ruạṛ senkateko maraokʼkan onko dolren dobon baṅkana; menkhan pạtiạukʼte okoe bańcaoko ńam onko dolren kangea bon.

1 Korinthiko 13:13

Menkhan ńitokʼ do biswạs, as, ar dulạṛ, noako penege tahenkana; menkhan noako modre joto khon soros utạrakʼ do dulạṛkangea.

Ibriko 11:13

Noko hoṛko do pạtiạu talate jion khemao kateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsirenkan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

2 Korinthiko 5:17

Jãhãege Mạsi tulucʼe mitʼakan khan enḍekhan uni do nawateye sirjạukʼ kana. Ar mareakʼ sanamakʼko meṭao cabakʼkante jotowakʼ do nawa arokʼ kana.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạte ape ṭhen niạ ciṭhiń oleda.

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoeakana, jemon Isorre bachao hoṛko biswạs reakʼ horteń ạgu daṛeako, ar Isor bhokti sãote oka sạriakʼtetʼ menakʼ ona baḍae lạgitʼ iń goṛo daṛeako.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao bon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

2 Korinthiko 11:17

Ńitokʼ okań menetʼkan ona do Probhuakʼ hukum leka do bạń meneda, menkhan apnar reaṅakʼko sarhao iạte bebuj lekań roṛeda.

2 Korinthiko 9:4

Ar baṅkhan Makedoniạren hoṛko iń sãoteko senlen khan ar begor sapṛao akanko ńellepe khan, enḍekhan apere aleakʼ nunạkʼ pạtiạu iạte ale do lajaorele paṛaokʼa; ar ape hõpe lajao ocokʼa.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akan bon tahen, enḍekhan aboge Isorakʼ gharońjren hoṛ bon hoyokʼa.