Ibriko 10:34 - Santali Common Language New Testament

³⁴ ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

সান্তালী বাইবেল

³⁴ ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Ibriko 10:34 Referans Kwoze

1 Patras 1:4

metakʼme darakan dinkore nonkan mitʼṭen dhon ńam reakʼ as bon ńamakada one oka do tishõ baṅ nosṭokʼ, onare bạṛicʼakʼ cetʼge baṅ tahena, ona do jaejug hạbicʼ nawage tahena. Ar noa dhon do sermare ape lạgitʼ doho jogao akana.

2Timothi 1:16

Onesiphoros gharońjrenko Probhui mãyã akoma; uni do ạḍi dhaoye cerṭha ocoakadińa, ar ińakʼ hajot iạte bae lajaolena.

Jakob 1:2

E ińren boehako, ạḍi lekan biḍạurepe paṛaokʼlenre ona do rạskạ reakʼ kana mente alope hudisa,

Ibriko 13:3

Okoe hajotre menakʼko onko sãote ape hõpe kạidi oco akana, ar khed ocokʼkanko sãote ape hõpe khed ocokʼkana mente hudiskate onkoakʼ katha disạipe.

Ephesiko lạgitʼ Pạul Apostolakʼ ciṭhi 6:20

Noa bhage sombat porcar lạgitʼ iń do sikṛi akan raj paṭhaona kạnạń. Koejoṅpe jemon hajotre tahen jokhecʼ cetʼleka bhage sombat porcar reakʼ lek kantiń onkage dil salakʼ onań porcar daṛeakʼ.

Luk 12:33

Ape do menakʼ tapeakʼko ạkhrińkate dan emokʼpe. Ar oka baṅ marekʼ ona ṭaka reakʼ thạilạkʼ tear joṅpe, metakʼme okaṭakʼ dhon jaejug hạbicʼ ṭikạu tahen onage sermare jarwaepe. Onḍe do kombṛo hõ bako hijukʼa ar tejoko hõ bako bạṛija.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uni doe okalekanicʼ kana, ona muṭhạntege bon ńelea.

Ibriko 11:16

Menkhan onko do arhõ bhage mitʼṭen disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼ do onkoren Isor mente ńumogokʼ bae lajaokʼ kana, ente uni do onko lạgitʼge mitʼṭen nagrahae tear akatʼ tahẽkana.

1Timothi 6:19

Noate apnar lạgitʼ nonkan dhonko jogao joṅa one oka do darakan dinko lạgitʼ mitʼṭen keṭecʼ rehetʼ lekako hoyokʼte, sạriakʼ reakʼ jionko sapʼ dohojoṅ.

Kolossiko lạgitʼ Pạul Apostolakʼ ciṭhi 1:5

Sermare ape lạgitʼ okaṭakʼ jogao dohoakan ona ńam reakʼ as khonge ape talare noa pạtiạu ar dulạṛ do janamakana. Ar okaṭakʼ bhage sombat, metakʼme sạri katha ape ṭhen seṭer akan ona hotetege ape do noa as reakʼ kathape ańjom akada.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiạdarkope hoyokʼ kana.

Ephesiko lạgitʼ Pạul Apostolakʼ ciṭhi 4:1

Onate Probhure kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅ kana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoeakana.

Aposkạmi 21:33

Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

Luk 10:42

menkhan mitʼṭenge jạruṛakʼ do menakʼa. Ente Mạriạm do bhage bakhrageye bachao akawana. Ona do uni ṭhen khon baṅ rejogokʼa.”

Mathae 19:21

Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

2 Korinthiko 5:1

Baḍaegeabon, noa dhạrtire oka kumbạ oṛakʼre bon tahenkan metakʼme, oka nijor hoṛmowante menakʼbon ona rạputʼlenre hõ aboakʼ do Isor emakʼ mitʼṭen oṛakʼ menakʼ tabona. Ona oṛakʼ do manwa tite benaoakʼ baṅkana, ona do jaejug khonge sermare menakʼa.

Aposkạmi 28:20

Onate iń do apeko sãote ńapamokʼ ar galmarao lạgitʼ iń khojkeda. Ar Israel jạtkoakʼ oka as menakʼ ona lạgitʼge iń do noa sikṛiteń tol ocoakana.”

2Timothi 4:8

Onate iń lạgitʼ dhorom reakʼ jit ṭupri dohoakana. Bicạr dinre dhorom bicạricʼ Probhu do ona kuṛại lekate jit reakʼ malae danạńạ. Ar eken iń eskargeye danạńạ ona do baṅ, menkhan okoe soborikate uniakʼ ruạṛ hijukʼ reakʼko koyokʼ horakatʼ onko sanamkoe danakoa.

Luk 9:25

Ar jãhãege goṭa dhạrtiye lab iạte acʼakʼ jiwiye khuạutae enḍekhan uniakʼ do cetʼ porho hoyokʼtaea?

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭen nawa bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoeakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

Ibriko 13:14

ente nonḍe do jaejug hạbicʼ jãhãn nagraha bạnukʼ tabona; menkhan okaṭakʼ nagraha daraekan ona lạgitʼ bon koyokʼ horakada.