Galathiko lạgitʼ Pạul Apostolakʼ ciṭhi 6:12 - Santali Common Language New Testament

¹² Okoe hoṛmo bahre secʼ bhage udugokʼko menjoṅkan onkoge khatnakʼ lạgitʼko jormoṭetʼpea. Mạsiakʼ krus iạte jemon aloko khed ocokʼ onate onko do nonkako kạmiyeda.

সান্তালী বাইবেল

¹² Okoe hoṛmo bahre secʼ bhage udugokʼko menjoṅkan onkoge khatnakʼ lạgitʼko jormoṭetʼpea. Mạsiyakʼ kurus iạte jemon aloko khed ocokʼ onate onko do nonkako kạmiyeda.

Galathiko lạgitʼ Pạul Apostolakʼ ciṭhi 6:12 Referans Kwoze

Galathiko lạgitʼ Pạul Apostolakʼ ciṭhi 5:11

E boehako, ńitokʼ hõ khatnakʼ reakʼ iń porcaretʼ khan, enḍekhan cedakʼ ńitokʼ hõń santao ocokʼkana? Krus cetanre Mạsiakʼ gujukʼ reakʼ tạkicʼakʼ ma coṅ maraoen.

Kolossiko lạgitʼ Pạul Apostolakʼ ciṭhi 2:23

Ar noako ạri-cạli ńelokʼte do akelte perecʼakʼ lekage bujhạukʼa, ente cetʼ leka sewae hoyokʼa, cetʼleka apnarte huḍińokʼ hoyokʼa, cetʼleka apnarakʼ hoṛmo kosṭo emokʼ hoyokʼa, ona do noa ạri-cạlikoe baḍae ocokoa, menkhan jel reakʼ sana koboj lạgitʼ noako do oka kaj reakʼ hõ baṅkana.

2 Korinthiko 11:13

Ente onkanko hoṛ do eṛe apostol ar phạsiara kạmiyạko kanako. Ar Mạsiren apostolko mente udugokʼ lạgitʼ onko do apnartetʼko bodolokʼ kana.

Aposkạmi 15:1

Jihudạ disạm khon adom hoṛ do Siriạ disạm reakʼ Antiokiạteko hecʼena ar biswạsi boehako noa menkate cetʼakoko ehopʼena, “Moseakʼ ạn-ạri lekate bape khatna ocolen khan kại khon bańcao do ohogepe ńamlea.”

Galathiko lạgitʼ Pạul Apostolakʼ ciṭhi 2:3

Menkhan boṅgan jạtren hoṛkanre hõe iń soṅgetenicʼ Titus do khatnakʼ lạgitʼ bae jormoṭ ocolena.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Philipiko lạgitʼ Pạul apostolakʼ ciṭhi 3:18

Iń do aema dhaoiń lại akawatʼpea ar ńitokʼ hõ mẽtʼdakʼ joro joroteń lạiape kana, nonkan aema hoṛ menakʼkoa one okoe do Mạsiakʼ krusren bạiri lekako colonetʼkan.

Philipiko lạgitʼ Pạul apostolakʼ ciṭhi 2:4

Eken apnar eskar lạgitʼ do alo, bickom mimitʼ hoṛ etạkʼ hoṛko lạgitʼ hõ dạndikʼpe.

Philipiko lạgitʼ Pạul apostolakʼ ciṭhi 1:15

Onko modre adomko do hiskạ ar dola doli monte Mạsi reaṅko porcareda, menkhan eṭakʼko do bhage monsubạtegeko kạmikana.

Galathiko lạgitʼ Pạul Apostolakʼ ciṭhi 6:13

Khatna ocoakanko hõ coṅ ạn ma bacoko manaoetʼkan. Onko do khatna ocope lạgitʼ sanayetʼkoa jemon noa iạteko sarhao daṛeakʼ baṅma, ape hõ onko dolrepe hecʼakana mente.

Galathiko lạgitʼ Pạul Apostolakʼ ciṭhi 2:14

Menkhan iń do, bhage sombat reakʼ sạriakʼtetʼ tulucʼ onkoakʼ kạmi reakʼ jãhãn jurige bạń ńelletʼre sanamko samaṅre Kephas iń metadea, “Am do Jihudi hoekate boṅgan hoṛ jạtrenko lekam colonetʼkan khan cekate boṅgan hoṛ jạtrenko do Jihudiko leka colon lạgitʼem ajhãṭetʼkoa?

2 Korinthiko 10:12

Ape modren adomko do apnarko sarhaokʼ kana. Onko dolre apnar lekha midokʼ se onko tulucʼ jurikʼ do bale dileda. Onko doko bebujgea, ente apnarte oka bhageko hudisetʼ ona tulucʼgeko jurikʼ kana arko bicạrokʼ kana.

Aposkạmi 15:5

Unre Phạrusikoren thoṛa hoṛ hõ biswạsiko tahẽkana. Onko do teṅgoyenteko menkeda, “Boṅgan hoṛ jạtrenko do khatnakʼ jạruṛgetakoa ar Moseakʼ ạn-ạri jemonko pańjae ona lạgitʼ hukum emako jạruṛa.”

Johan 7:18

Okoe nij khon kathae roṛ uni do acʼakʼ sabasigeye ńam baṛaea, menkhan okoe kolakadiyicʼ reakʼ sabasiye ńam baṛayetʼkan uni doe sạrigea ar unire jãhãn eṛeakʼ do bạnukʼa.

Luk 20:47

Hoṛko ṭhen ńel ocokʼ lạgitʼ onko do jeleń jeleńko koejoṅa, ar eṭakʼ secʼ do rạnḍi maejiukoakʼ dhonko luṭ joṅkana. Noko hoṛ do ạḍi bạ̃ṛti sạjạyokʼ hukumko ńama.”

Mathae 23:28

Onkage, ape hõ bahre do hoṛko ṭhen dhorompe ńel ocokʼkana, menkhan bhitri do bạṛicʼ ar kạite perecʼgetapea.

Mathae 23:5

Hoṛko ṭhen ńelocokʼ lạgitʼ onko do sanamakʼko kạmiyeda. Sonot sostor reakʼ olakʼ tạbijkoko lạṭuiya ar dhorom ńel ocokʼ lạgitʼ oyonakʼ reakʼ ańcarkore jeleń jeleńko dạsiya.

Mathae 6:16

‘‘Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Mathae 6:2

“Onate koeyem emokʼre phạsiạra hoṛko leka do alom onkaea. Ente onko do hoṛko ṭhen sarhao ocokʼ lạgitʼ sunạgogre ar kulhikore siṅgạ oroṅate koeko emakokana. Sạrigeń metapekana, onko do akoakʼ kuṛạiko ńam horayeda.

Mathae 6:5

‘‘Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼkana. Sạrigeń metapekana, onko do akoakʼ kuṛạiko ńam horayeda.

Mathae 5:10

Dhorom iạte santao ar khed ocokʼkogeko bhạgana; ente serma raj do onkoakʼkangea.

Mathae 23:27

“Hae, ape sostor baḍaeko, Phạrusiko ar phạsiarako do! Ape do cunte potao akatʼ topa lekanko kanape, one oka do bahre ma mońjge ńelokʼkan, menkhan bhitri do gocʼ hoṛakʼ jaṅ ar joto lekan mạilạte perecʼgea.