Galathiko lạgitʼ Pạul Apostolakʼ ciṭhi 6:10 - Santali Common Language New Testament

¹⁰ Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

সান্তালী বাইবেল

¹⁰ Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Galathiko lạgitʼ Pạul Apostolakʼ ciṭhi 6:10 Referans Kwoze

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

1 Thessalonikikko 5:15

Ńelpe, okoe hõ bạṛicʼ bodol bạṛicʼ jãhãe aloe halawaema. Ape do jaoge eṭakʼ sanamko lạgitʼ bhạlại reakʼ kurumuṭuipe.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Ephesiko lạgitʼ Pạul Apostolakʼ ciṭhi 2:19

Onate bin opromko dope baṅkana, ar bedisiạ hõpe baṅkana; menkhan Isorren hoṛkoakʼ oka ạidạri menakʼ ape hõ onko sãote ona ạidạripe ńam akada ar Isor gharońjrenpe hoeakana.

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Johan 9:4

Okoeye kolakadiń, uniakʼ do siń tahenrege kạmi hoyokʼ tabona. Ńindạ daraekana unre okoe hõ bako kạmi daṛeakʼa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

Philipiko lạgitʼ Pạul apostolakʼ ciṭhi 4:10

Probhure ạḍitetʼgeń rạskạkʼ kana, ente ḍher din tayom ape do arhõpe disạ ruạṛkedińa. Sạrige ape do iń lạgitʼ jaogepe dạndikʼkan tahẽkana, menkhan ona ńel ocoetape lạgitʼ ạt do bape ńamleda.

Mathae 12:50

ente okoe sermare menae Babawakʼ mone lekako senokʼ, onkoge ińren boehań, miserań ar eṅgạń kanako.”

3 Johan 1:11

Dulạṛiạ gate, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńṭoṭhadea.

Kolossiko lạgitʼ Pạul Apostolakʼ ciṭhi 4:5

Okoe Isorren hoṛko baṅkan onko tulucʼ do akel salakʼ colonpe ar Mạsi reaṅ goha em reakʼ ạtko kạmire lagaope.

Ephesiko lạgitʼ Pạul Apostolakʼ ciṭhi 5:16

Apeakʼ tire bhage kạmi reakʼ okaṭakʼ ạt menakʼ ona do purạte kạmire lagaope, ente noa piṛhi do bạṛicʼgea.

1 Johan 5:1

Jisu do Mạsi kanae mente okoeko pạtiạukʼkan, onko do Isor khonko janamakana. Ar okoe Babako dulạṛedekan onko do uniren Hopon hõko dulạṛede kana.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akan bon tahen, enḍekhan aboge Isorakʼ gharońjren hoṛ bon hoyokʼa.

Mark 3:4

Ona tayom Phạrusikoe kuliketʼkoa, “Jirạukʼ mãhãre bhage kạmi ganokʼa se bạṛicʼ kạmi? Jiwi bańcao se bạṛicʼ giḍikakʼ ganokʼa?” Menkhan Phạrusiko do cetʼge bako roṛ ruạṛadea.

Mathae 5:43

“Ańjomakadape, roṛlena mente, ‘Am aḍepaseren hoṛem dulạṛea ar amren bạiri dom kurudaea.’

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiakʼ dhoromreko pạtiạuena.

Galathiko lạgitʼ Pạul Apostolakʼ ciṭhi 1:23

Onko do eken niạ kathako ańjomleda baṅma, “Okoe hoṛ aboe santaoetʼ bon tahẽkan uni do ńitokʼ Mạsire biswạsokʼ reakʼ kathae porcareda, menkhan lahate uni do marao lạgitʼe kurumuṭuleda.”

Ephesiko lạgitʼ Pạul Apostolakʼ ciṭhi 4:28

Kombṛoicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

1 Thessalonikikko 5:21

Bhageakʼ sapʼ doho joṅpe,

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

1 Patras 4:17

Bicạr reakʼ okte do hoeakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

3 Johan 1:3

Iń do ạḍitetʼiń rạskạyena ente adom biswạsi boehako hecʼkate am reaṅ noa gohako emkeda je, am do Isorakʼ sạriakʼre pạtiạr menama ar ona lekam taṛameda.

3 Johan 1:10

Onate uni okaṭakʼe cekayetʼ ona do iń hecʼ tayom sanamkoń baḍae ocokoa. Uni do ale birudre hiskạte aema eṛe kathae roṛakada. Onate hõ bae suklente boehako hõ bae ataṅetʼkoa ar okoe onkoko ataṅetʼko onko hõe tạkicʼ darametʼkoa ar manḍer khone oḍoketʼkoa.

2 Korinthiko 2:8

Onate bạ̃ṛtikaeteń nehõrape kana, unipe dulạṛedekan khan ona baṛe sạbudtape.