Galathiko lạgitʼ Pạul Apostolakʼ ciṭhi 6:1 - Santali Common Language New Testament

¹ E boehako, ape modre jãhãe hoṛ jãhãn dosreye paṛaolenre, enḍekhan okoe sonot Jiu tabere menakʼpe ape do onkanicʼ jut ruạṛepe. Menkhan dulạṛ monte noa kạmipe ar apnartetʼ sontor tahenpe jemon ape hõ kạire alope ńurokʼ.

সান্তালী বাইবেল

¹ E boehako, ape modre jãhãe hoṛ jãhãn dosreye paṛaolenre, enḍekhan okoe sonot Jiu tabere menakʼpe ape do onkanicʼ jut ruạṛepe. Menkhan dulạṛ monte noa kạmipe ar apnartetʼ sontor tahenpe jemon ape hõ kạire alope ńurokʼ.

Galathiko lạgitʼ Pạul Apostolakʼ ciṭhi 6:1 Referans Kwoze

Romiko lạgitʼ Pạul Apostolakʼ ciṭhi 15:1

Abo okoe dobon daṛeanko kan abo do bon dạyik kana bin daṛeankoakʼ nijorakʼkore teṅgo goṛoako lạgitʼ, ar eken apnar kusikʼ lạgitʼ do baṅ.

2 Thessalonikiko 3:15

Menkhan uni do bạiri mente hõ alope hudisea, bickom boeha mente bujhạuaepe.

2Timothi 2:25

Okoe uni birudreko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriakʼtetʼ reakʼ khạndritetʼ jemonko baḍae daṛeakʼ.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

2 Korinthiko 2:7

Menkhan ńitokʼ do ikạkaepe ar jiwi raṛecʼ emaepe, jemon dukte aloe hadosokʼ.

Ibriko 12:13

Apeakʼ calakʼ hor sojhetape, jemon leḍha hoṛ do ar aloe mackaokʼ, bickome boge ruạṛokʼ.

1 Patras 3:15

bickom Mạsi do apeakʼ ontorre Probhu mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛ ruạṛ do mạ̃hir ar bhodro salakʼ emakope.

Romiko lạgitʼ Pạul Apostolakʼ ciṭhi 14:1

Pạtiạure okoeye nijorge uni do ataṅ sãohãyepe; uniakʼ hudis bundis joṅre uni tulucʼ alope reṭe peṭekʼa.

1 Korinthiko 10:12

Onate jãhãe kajakteye teṅgo akana menteye monejoṅkan khan, enḍekhan uni doe sontorokʼma jemon aloe bhindạṛokʼ.

1 Korinthiko 4:21

Ṭhengawante ape ṭheniń hijukʼa, se dulạṛ ar mạ̃hir monante?

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼa.

2 Korinthiko 10:1

Mạsiakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼ kana.

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane do cetʼ kana mente ona baṛe ḍunḍhạupe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

1 Korinthiko 14:37

Jãhãege apnarte nạbi se Jiutenicʼ hoṛ kanae menteye bujhạukʼ khan enḍekhan uni doe aṅgocma, ape ṭhen okań olketʼ onako sanamakʼ do Probhuakʼ hukum kangea mente.

1 Korinthiko 7:5

Alope apan ạpinokʼa; menkhan solha mitʼkate koejoṅ lạgitʼ thoṛa din apan ạpin tahẽ hataṛokʼpe; ona tayom do ar hõ mitʼ ṭhenokʼpe jemon apeakʼ bin sambṛao iạte Soetan aloe biḍạupe.

1 Korinthiko 2:15

Okoe hoṛ doe Jiutenicʼ kan uni do jotowakʼkoe tojbijeda, menkhan okoe hõ uni do bako tojbij daṛeaea.

Romiko lạgitʼ Pạul Apostolakʼ ciṭhi 8:6

Kại okae khojkan ona reakʼ monejoṅakʼ do moron kana, ar sonot Jiu reakʼ khojogokʼ leka senokʼ do jion ar sulukge.

Mathae 11:29

Ińakʼ ãrãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Jakob 3:13

Ape modre akel ar budan hoṛ doe okoe kana? Uni do acʼakʼ bhage cạl-colonte akel khon oḍokokʼkan mạ̃hirtetʼ reakʼ kạmiye udugma.

Ibriko 13:3

Okoe hajotre menakʼko onko sãote ape hõpe kạidi oco akana, ar khed ocokʼkanko sãote ape hõpe khed ocokʼkana mente hudiskate onkoakʼ katha disạipe.

Galathiko lạgitʼ Pạul Apostolakʼ ciṭhi 5:23

mạ̃hir ar sambṛaokʼ. Ar nonkanakʼko birudre ạn do bạnukʼ anaṅ.

1 Korinthiko 3:1

E boehako, jiutenko ṭhen cetʼleka katha roroṛ hoyokʼ, onka do bạń galmarao daṛeakatʼpea, menkhan jel gobolrenko ṭhen cetʼleka roroṛ lek kan onkageń galmarao akatʼpea. Mạsire ape do bale gidrạko leka kanape, onate onkageń galmarao akatʼpea.

Mathae 26:75

Unre Patras do Jisui metade tahẽkan kathae disạkeda, “Sim sạnḍi ạuriye ragre pe dhaoem baṅeńa.” Ar bahrete oḍok senkate uni do hũk hũke rakʼkeda.

Mathae 26:69

Unre Patras do bahre racareye duṛupʼ akan tahẽkana. Ar mitʼṭen kạ̃ṛmĩ kuṛi do hecʼkateye metadea, “Am hõ coṅ Gạlilren Jisu tulucʼem tahẽkan.”

Galathiko lạgitʼ Pạul Apostolakʼ ciṭhi 6:18

E boehako, aboren Probhu Jisu Mạsiakʼ daya apeakʼ ontorre tahẽ akan tahenma. Amen.

1 Thessalonikikko 4:1

Ado E boehako arhoń mena, Isor kusi ocoye lạgitʼ cetʼleka colon lek kan ona sikhạuna do ale ṭhen khonpe ńamakatʼgea, ar sạrige ape do onkagepe colonetʼ kana. Enhõ Probhu Jisu secʼte solha arle nehõrape kana jemon arhõ bạ̃ṛti onkalekape colon.

2 Korinthiko 2:8

Onate bạ̃ṛtikaeteń nehõrape kana, unipe dulạṛedekan khan ona baṛe sạbudtape.